Ésaïe 30:3 - Mbeti ti Nzapa - Tënë so amu fini

³ Me Faraon so ala baa lo tongana gbagba ti batango ala so, lo yeke zia kamene na le ti ala; gbe ti de ti Ezipte so ala yeke gi ti honde tere daa so, fade ayeke zia kota kamene na le ti ala.

Ésaïe 30:3 ပူးပေါင်းရင်းမြစ်များ

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Abia (Psaumes) 108:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Amato 25:19

Na ndembe ti ye ti ngangu, ziango be na ndö ti zo ti kango amba ti lo ayeke tongana tengo kobe na apembe so afun, wala lutingo na ndö ti gere so abuba awe.

Ésaïe 20:5

Azo so azia be ti ala ando na ndö ti Etiopii, azo so ayeke pika kate ti ala ndali ti maboko so Ezipte ayeke mu na ala, fade kamene ayeke gbu le ti ala.”

Ésaïe 20:6

Na lango ni so, azo so ayeke lango na yanga ti kota ngu-ingo so ayeke tene: “Azo so lani e zia be ti e na ndö ti ala so, baa ye so asi na ala laa! E ye lani ti honde tere ti e na ndo ti ala, titene ala mu na e maboko, titene ala zi e na maboko ti gbia ti Asirii! Fadeso e yeke sara tongana nyen?”

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Jérémie 42:22

Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”

Jérémie 46:25

KOTA GBIA so ayeke na ndö ti dunia kue, Nzapa ti Israel atene: “Mbi yeke ga na tere ti Amon, nzapa ti Tebes, lo na Ezipte na anzapa ti lo nga na agbia ti lo; mbi yeke ga na tere ti Faraon na azo so kue azia be ti ala na ndö ti lo.

Ezekiel 29:7

Azo so agbu mo na ya ti maboko ti ala, mo fâ si mo suru ndö ti maboko ti ala kue na ka; azo so agbu mo ti luti na ndö ti mo, mo fâ si mo sara titene be ti ala awoko kue.

Osée 10:6

Fade a yeke mu nga kete bagara ni, a hon na lo na sese ti Asirii ti mu na kadoo na ne-ne gbia. Fade kamene ayeke gbu azo ti Efraim si kamene ayeke sara azo ti Israel ndali ti ye so ala leke na be ti ala ti sarango ni so.

Rome 10:11

Mbeti ti Nzapa atene: “Zo so ama na be na lo, fade kamene ayeke sara lo pepe.”

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.