Ésaïe 30:27 - Mbeti ti Nzapa - Tënë so amu fini

²⁷ Baa, *KOTA GBIA wani alondo yongoro si lo yeke ga. Ngonzo ti lo ayeke tongana wâ so ayeke nika ye si ayeke gbi ndo. Yanga ti lo asi singo na ngonzo; menga ti lo ayeke tongana wâ so ayeke gbi ye kue.

Ésaïe 30:27 ပူးပေါင်းရင်းမြစ်များ

Abia (Psaumes) 79:5

*KOTA GBIA, ngonzo ayeke ngba ti sara mo ngbii asi lawa? Sarango mbanda ti mo so ayeke gbi zo tongana wâ so ayeke ngba ngbii asi lawa?

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 33:12

Wâ ayeke gbi amara nde si ala yeke ga gi mburu ti wâ. Wâ ayeke gbi ala tongana aki so a fâ ni si a tuku na le ti wâ.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 34:9

Angu ti Edom ayeke ga angu ti gudron, sese ti lo ayeke ga *sufre. Kodro ni ayeke ga gudron so ayeke gbi.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Ndia ti fani use ni 32:22

Biani, ngonzo ti mbi alondo tongana wâ, agbi ndo ngbii asi na ndo ti akuâ. Ngonzo ni abuba sese na aye so sese adu, agbi gere ti ahoto.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.