Ésaïe 30:25 - Mbeti ti Nzapa - Tënë so amu fini

²⁵ Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Ésaïe 30:25 ပူးပေါင်းရင်းမြစ်များ

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 48:21

Na ya ti benyama so lo fa lege na azo ti lo, nzara ti ngu asara ala pepe. Ndali ti ala, lo sara si ngu asigigi na ya ti têne; lo suru ya ti têne ni si ngu asigigi daa.

Ezekiel 17:22

“Tënë so mbi Kota Gbia NZAPA, mbi tene ayeke so: Mbi wani, fade mbi yeke mu mbeni fini maboko ti keke ti sedre taa na li ti keke ni si mbi yeke lu ni; mbi yeke fâ kete maboko na tere ti akota maboko ni si mbi yeke lu ni na li ti kota hoto so ayo na nduzu mingi.

Ezekiel 34:13

Mbi yeke mu ala na kodro wande, mbi yeke zi ala na ya ti akodro so kue ala yeke daa si mbi yeke kiri na ala na kodro ti ala. Mbi yeke gue na ala titene ala te kobe na ndö ti ahoto ti Israel, na ando so ngu ayeke sua daa nga na ando so kue azo asara kodro daa.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Ezekiel 47:1

Koli ni amu mbi, akiri na mbi na yanga ti kota da ti Nzapa ni. Mbi baa ngu ayeke sigigi na gbe ti yanga ti kota da ni na mbage ti To, ngbanga ti so dawa ti kota da ni ayeke na mbage ti To. Ngu ni ayeke sua na mbage ti maboko ti koli ti da ni si ayeke hon na mbage ti Mbongo ti gbalaka.

Nahum 3:12

Angangu gbagba ti mo kue ayeke tongana ale ti fige so abe awe. Gi so zo ayingi keke ti fige ni, ale ni ayeke ti na yanga ti zo ni.

Wungo ti azo 24:7

Ada ti ala ni ayeke tongana ngu ti ya ti du; ngu ni asuku si ayeke mu ngu na akobe ti yaka. Fade gbia ti azo ti Israel ayeke hon ndö ti gbia Agag, kodro-gbia ti Israel ayeke gue guengo na nduzu na ngangu.

Jean 7:38

Zo so ama na be na mbi, ‘fade ngu so ayeke mu fini na zo ayeke londo na be ti lo ti sua’, tongana ti so Mbeti ti Nzapa afa tënë ni.”

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.