Ésaïe 30:2 - Mbeti ti Nzapa - Tënë so amu fini

² Ala mu lege ti gue na Ezipte, me ala hunda mbi pepe. Ala yeke gi titene Faraon aga tongana ngangu gbagba ti batango ala, ala yeke gi ndo ti hondengo tere ti ala na gbe ti de ti Ezipte!

Ésaïe 30:2 ပူးပေါင်းရင်းမြစ်များ

1 Agbia 22:7

Me Yosafat ahunda ndo, atene: “Mbeni zo oko ti tenengo peko ti yanga ti KOTA GBIA ayeke ge pepe titene e hunda KOTA GBIA na lege ti lo?”

2 Agbia 17:4

Me mbeni lâ, gbia ti Asirii ama a tene, Osée aleke tënë na hondengo ni na tere ti lo. Biani, Osée atokua azo na Sö, gbia ti Ezipte, nilaa lo ke ti futa lapo na gbia ti Asirii tongana ti so lo yeke sara kozoni na ngu oko oko. Tongaso Salmanasar agbu Osée si abi lo na da ti kanga.

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 16:3

Azo ti Moab ahunda na Jérusalem, atene: “Mo mu na e wango, mo mu yanga biani. Taa na kota lâ, mo gbara gbe-de ti mo na ndö ti e ti bata e tongana bi so ayeke gbara gbe-de ti lo. Azo ti e so akpe so, mo honde ala, mo ka ala pepe.

Ésaïe 18:1

So mawa ti nyen! Kodro so amangboko ti lo ayeke na abongo use so a kanga na li ni, kodro so ayeke na tere ti *bale ti Etiopii!

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 2:18

Fadeso, nyen laa ayeke gboto mo ti gue na mo na Ezipte titene mo nyon ngu ti Nil so nyen? Nyen laa anzere na mo na mungo lege ti gue na Asirii titene mo nyon ngu ti Efrate so nyen?

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 37:5

Aturugu ti gbia Faraon alondo na Ezipte ti ga. So azo ti Babilone so ayeke ngoro gbata ti Jérusalem ti mu ni na bira, ama sango ni, ala gboto tere ti ala ahon yongoro kete na Jérusalem.

Jérémie 42:14

e yeke gue na Ezipte. Kâ, fade e yeke kiri ti hinga ye so iri ni bira pepe, e yeke kiri ti ma toto ti tatalita pepe si nzara ayeke kiri ti fâ e pepe. E yeke sara kodro gi kâ!’

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 43:7

Ala ke ti ma yanga ti KOTA GBIA; ala gue na Ezipte, na pekoni ala si na Tapanes.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Osée 8:10

Ataa azo ti Efraim amu akadoo na amara nde, mbi yeke bongbi ala fadeso. Gi na ya ti kete ngoi, ala yeke baa pasi na gbe ti nengo kungba ti gbia ti amakonzi.

Osée 8:9

Azo ti Efraim amu lege ague na sese ti Asirii. Ti lele ti ngonda, lo ye ti sara ye gi lo oko, me azo ti Efraim amu nginza ti vo na andeko.

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Ndia ti fani use ni 28:68

KOTA GBIA ayeke kiri na ala na Ezipte na ya ti amangboko; lo yeke kiri na ala na ya ti kodro so mbi tene tënë ni lani na ala, mbi tene: “Fade ala yeke kiri ti baa kodro ni pepe.” Kâ, ala wani ayeke ka tere ti ala tongana angbaa na awato ti ala; me awato ti ala ni ayeke ke ti vo ala.

Josué 9:14

Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.

Awafango-ngbanga 9:15

Keke ti ki akiri tënë: ‘Tongana ala ye biani ti soro mbi titene mbi ga gbia ti ala, ayeke nzoni ala ga aduti na gbe ti de ti mbi. Tongaso pepe, fade wâ ayeke sigigi na ya ti mbi ti gbi akeke ti sedre ti Liban kue.’ ”