Ésaïe 30:18 - Mbeti ti Nzapa - Tënë so amu fini

¹⁸ Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 30:18 ပူးပေါင်းရင်းမြစ်များ

Mbeti ti Job 35:14

Job, so mo tene: “Mbi yeke baa Nzapa pepe, tënë ti mbi ayeke na maboko ti lo si mbi ngba ti ku lo” so, fade lo yeke ma mo tongana nyen?

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 34:8

*Ange ti KOTA GBIA ayeke sara sanziri na tere ti azo so akpe mbeto ti lo; lo yeke zi ala na ya ti ye ti ngangu.

Abia (Psaumes) 84:12

Biani, KOTA GBIA Nzapa ayeke lâ si lo yeke vala. KOTA GBIA ayeke sara nzoni be na zo, lo yeke mu nengo na zo; azo so ayeke sara ye mbirimbiri, lo yeke gbanzi nzoni ye na ala pepe.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Sigingo 34:6

KOTA GBIA ahon na dawa ti Moïse si lo to mbela, lo tene: “Mbi yeke KOTA GBIA! Mbi yeke KOTA GBIA, Nzapa so mbi yeke baa mawa ti zo, mbi yeke sara nzoni be na zo, mbi yeke sara ngonzo hio hio pepe, nzoni be ti mbi asi singo si mbi yeke bata tënë ti yanga ti mbi lakue.

Amato 16:20

Zo so agbu li ti lo nzoni na ndö ti mbeni ye, lo yeke baa nzoni daa; zo so azia be ti lo na ndö ti KOTA GBIA, ti lo nzoni!

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Ésaïe 42:14

*KOTA GBIA atene: “Mbi duti kpoo aninga mingi awe, mbi kanga yanga ti mbi, mbi kanga be ti mbi. Me fadeso, mbi yeke ga ti dekongo tongana wali na ndembe ti dungo ni, mbi dema, mbi wu ngangu, mbi wu nzoni pepe.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 48:9

Me ndali ti so mbi yeke Nzapa, mbi kanga ngonzo ti mbi. Ndali ti sepelango so alingbi na mbi, mbi kanga be ti mbi na ala, mbi zia lege ti hunzingo ala biani biani.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 55:8

“Biani, tënë ti be ti mbi alingbi na tënë ti be ti ala pepe, lege ti sarango ye ti mbi alingbi na lege ti sarango ye ti ala pepe; so tënë ti yanga ti KOTA GBIA laa.

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 17:7

Me tufa aga na ndö ti zo so azia be ti lo na ndö ti mbi, KOTA GBIA si zo ni ayeke gi titene mbi bata lo.

Jérémie 42:7

Lango baleoko na pekoni, tënë ti KOTA GBIA asi na Jérémie.

Daniel 12:12

Ti lo nzoni, zo so ayeke ku ngbii lango saki oko ngbangbo ota na baleota na oku alingbi!

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Osée 2:14

Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Nzoni Tënë so Luc asu na mbeti 2:25

Mbeni koli ayeke na Jérusalem, iri ti lo ayeke Siméon; lo yeke zo ti mbirimbiri, lo mu be ti lo kue na Nzapa, lo yeke ku zo so ayeke ga ande ti soo azo ti Israel. Yingo-Vuru ayeke na Siméon.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.