Ésaïe 30:17 - Mbeti ti Nzapa - Tënë so amu fini

¹⁷ Wato oko ayeke be le na azo saki oko na popo ti ala. Awato oku ayeke be le na ala si ala kue ayeke kpe. Na ndani, azo so ayeke ngba, ala yeke luti tongana keke ti bendere na ndö ti hoto, tongana bendere na ndö ti kete hoto.

Ésaïe 30:17 ပူးပေါင်းရင်းမြစ်များ

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Jérémie 37:10

Ataa ala hon ndö ti aturugu ti Babilone so kue ayeke tiri bira na ala si gi ambeni so awara ka laa angba, fade ala oko oko ayeke londo na ya ti da ti ala ti bongo, ala kue ayeke ga ti bi wâ na gbata so.’ ”

Abia ti demango tere 4:19

Awato ti e so ayeke tumba peko ti e, ala kpe loro ngangu ahon *ngoalo so ayeke huru na le ti nduzu. Ala tumba peko ti e na ndö ti ahoto; na benyama, ala honde tere ti ala ti ku e.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Awayango-sandaga 26:36

“Ti azo so ayeke na popo ti ala si ayeke ngba na fini na kodro ti awato ti ala, mbi yeke sara si ala woko kue. Gi toto ti kugbe so ati na sese ayeke sara si ala kpe. Ala yeke kpe, mo baa mo tene, awato laa ayeke tumba peko ti ala na yongoro zeme. Ala yeke ti na sese, ataa so zo oko atumba peko ti ala pepe.

Awayango-sandaga 26:8

Azo oku na popo ti ala ayeke tumba peko ti awato ngbangbo oko; azo ngbangbo oko ayeke tumba peko ti awato saki baleoko si ala yeke fâ awato ni na ya ti bira.

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Sofonii 3:12

Fade mbi yeke zia asenge zo na azo ti mawa angba na popo ti ala. Ala yeke kpe na mbi *KOTA GBIA titene mbi bata ala.

Rome 11:17

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Josué 23:10

Zo oko na popo ti ala alingbi ti tumba peko ti azo saki oko, ngbanga ti so KOTA GBIA, Nzapa ti ala laa ayeke tiri bira ndali ti ala, tongana ti so lo mu zendo ni na ala.