Ésaïe 30:14 - Mbeti ti Nzapa - Tënë so amu fini

¹⁴ Ya ti dere ni afâ kete kete tongana ta ti wasarango-ta; zo alingbi ti kiri ti leke ni pepe. Zo alingbi ti mu mbeni fango ni ti mu na le ti wâ na ya ti duke pepe wala ti to na ngu na ya ti du ti ngu pepe.”

Ésaïe 30:14 ပူးပေါင်းရင်းမြစ်များ

Mbeti ti Job 27:22

Nzapa ayeke tokua ale ti kokora na tere ti zo ti sioni; lo yeke baa mawa ti lo pepe. Lo sara kue ti kpe na maboko ti zo ti bingo ale ti kokora ni.

Abia (Psaumes) 2:9

Fade mo yeke sara ngangu komandema na ndö ti ala, mo yeke kungbi ala tongana ta ti sese.’ ”

Abia (Psaumes) 31:12

Awato ti mbi kue ayeke zonga mbi; azo so alango nduru na mbi, ti ala ahon ndoni. Azo so ahinga mbi, mbeto ti mbi ayeke sara ala sarango; tongana ala baa mbi na lege, ala yeke kpe mbi kpengo.

Amato 6:15

Ndani laa, fade ye ti ngangu ayeke si na lo gi hio tongaso, a yeke buba dutingo ti lo gi hio tongaso, mbeni ye ti sara si lo kiri lo ga nzoni ayeke daa pepe.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Jérémie 48:38

Na li ti ada so ayeke na Moab nga na ndo so gba ti azo ayeke bongbi daa, gi abia ti totongo kuâ si a yeke ma. “Mbi fâ ya ti Moab awe tongana ti so zo a fâ ya ti ta so lo ke ni awe”; so tënë ti yanga ti KOTA GBIA laa.

Abia ti demango tere 4:2

Anzoni molenge ti *Sion alingbi lani na ngere ti lôro ti nzoni ni. Nyen asara si ala kiri aga fadeso tongana ta ti sese so-oo? Nyen asara si ala ga tongana senge ta so wasarango-ta asara ni so-oo? Azo-oo, azo!

Ezekiel 24:14

Mbi KOTA GBIA, mbi tene tënë awe. Ye so kue ayeke si; mbi yeke sara ye ni. Mbi yeke zia ni ahon senge pepe; mbi yeke baa mawa ti ye oko pepe, be ti mbi ayeke so oko pepe. A yeke fâ ngbanga na li ti mo alingbi na lege ti dutingo ti mo nga na asarango ye ti mo. So tënë ti yanga ti Kota Gbia NZAPA laa.”

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Ezekiel 7:4

Mbi yeke baa mawa ti zo oko pepe, mbi yeke zia zo oko pepe. Mbi yeke futa mo alingbi na lege ti sarango ye ti mo nga na asioni ye so mo sara si zo alingbi ti baa na le ti lo fani use pepe; aye so kue ayeke na popo ti ala. Tongaso, fade ala yeke hinga atene, mbi laa mbi yeke KOTA GBIA.

Ezekiel 7:9

Mbi yeke baa mawa ti zo oko pepe, mbi yeke zia zo oko pepe. Mbi yeke futa ala alingbi na sarango ye ti ala nga na asioni ye so ala sara si zo alingbi ti baa na le ti lo fani use pepe so; aye ni kue ayeke na popo ti ala. Tongaso, fade ala yeke hinga atene, mbi laa mbi KOTA GBIA laa, mbi yeke pika ala.

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”

Nzoni Tënë so Luc asu na mbeti 4:2

Kâ, Zabolo atara be ti lo na ya ti lango baleosio. Na ya ti alango so kue, lo te kobe oko pepe si na pekoni, nzara asara lo.

Rome 11:21

Biani, so Nzapa afâ taa amaboko ti keke ni so, mo laa Nzapa ayeke bata ande mo?

Rome 8:32

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?

Ndia ti fani use ni 29:20

KOTA GBIA ayeke zia lo yamba na popo ti amara ti Israel kue titene a buba lo biani biani, alingbi na adengo ba ti mbuki so a su tënë ni na ya ti mbeti ti *Ndia so.

Aye so Nzapa afa 2:27

Fade lo yeke fa lege na ala na komandema ti ngangu, lo yeke fâ ya ti ala kete kete tongana ti so zo ayeke fâ ya ti ta ti sese.