Ésaïe 30:13 - Mbeti ti Nzapa - Tënë so amu fini

¹³ Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Ésaïe 30:13 ပူးပေါင်းရင်းမြစ်များ

1 Agbia 20:30

Atanga ni saki baleuse na mbarambara akpe ague na gbata ti Afek; me gbagba ti gbata ni akungbi ati na ndö ti ala. Ben-Hadad nga awara lege ti kpe. Lo gue, lo honde tere ti lo na ya ti gbata ni, na ya ti mbeni kubu ti da so ali mingi.

Mbeti ti Job 36:18

Zia lege na sioni ngonzo ti pusu mo ti sara ye kirikiri pepe! Mo baa ti mo, mo tene, mo lingbi ti pete goro na Nzapa?

Abia (Psaumes) 62:3

Biani, lo oko laa lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa oko pepe.

Abia (Psaumes) 62:4

Fade ala kue ayeke bongbi tere ti ti na ndö ti mbeni zo ti fâ lo ngbii asi lawa? Ala ye ti fâ lo tongana dere ti da so aba bango wala tongana gbagba so aye ti ti?

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Amato 6:15

Ndani laa, fade ye ti ngangu ayeke si na lo gi hio tongaso, a yeke buba dutingo ti lo gi hio tongaso, mbeni ye ti sara si lo kiri lo ga nzoni ayeke daa pepe.

Ésaïe 22:14

Me *KOTA GBIA so ayeke na ndö ti dunia kue atene na mê ti mbi tënë so angba na hondengo, atene: “Mbi deba yanga ti mbi, mbi tene, sioni so ala sara so, a yeke zi tënë ni na li ti ala laoko pepe, ngbii ala kui.” Tënë so Kota Gbia, NZAPA so ayeke na ndö ti dunia kue atene laa.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 48:3

“Akozo ye so asi awe so, mbi fa tënë ni na ala ngbene ye giriri. Tënë ni asigigi na yanga ti mbi, mbi tene tënë ni, ala ma awe. Mo ye ti baa, mbi sara mbeni ye si aye ni asi.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Matthieu 7:27

Ngu-Nzapa apika, ngu asuku amu ndo kue, pupu aya ngangu na ndö ti da ni si da ni akungbi ati gburrr!”

Nzoni Tënë so Luc asu na mbeti 6:49

Me zo so ama atënë ti mbi si lo sara ye alingbi na ni pepe, lo yeke tongana zo so asara da na ndö ti senge sese, gere ti da ni ayeke daa pepe. Ngu asua ngangu, apika tere ti da ni si gi hio tongaso, da ni akungbi, ati si abuba kue.”