Ésaïe 30:12 - Mbeti ti Nzapa - Tënë so amu fini

¹² Ndani laa Nzapa ti Israel, lo so lo yeke nde si lo yeke nzoni kue atene: “Ala ke tënë ti mbi awe, ala zia be ti ala gi na ndö ti azo so ayeke sara ngangu na ala si ayeke tene mvene na ala; azo ni so laa ala luti na ndö ti ala.

Ésaïe 30:12 ပူးပေါင်းရင်းမြစ်များ

Abia (Psaumes) 52:7

Ndani laa Nzapa ayeke buba ande mo biani biani; lo yeke gboto mo na ya ti da ti mo ti bi mo na gigi; lo yeke zi mo na ndö ti sese ti azo so angba na fini. Luti kete

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 24:2

Biani, ala yeke gbu li ti ala gi ti buba ndo; ala yeke tene gi tënë ti asioni ye so ala ye ti sara.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ésaïe 30:1

Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.

Ésaïe 30:7

Biani, maboko so Ezipte amu ayeke ye senge, alingbi ti sara ye oko pepe. Ndani laa mbi di iri ti kodro ni “Rahab so angba gi ndo oko”.

Ésaïe 47:10

Mo zia be ti mo na ndö ti asioni sarango ye ti mo, mo tene: “Zo oko abaa mbi pepe.” Me sioni ndara ti mo na sioni hingango ndo ti mo laa ahanda mo. Mo tene na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe!”

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Jérémie 13:25

Jérusalem, ye so ayeke ku mo laa, ye so mbi bata ndali ti mo laa. Biani, mo girisa mbi awe ti zia be ti mo na anzapa ti mvene; so tënë ti yanga ti KOTA GBIA laa.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.