Ésaïe 30:1 - Mbeti ti Nzapa - Tënë so amu fini

¹ Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.

Ésaïe 30:1 ပူးပေါင်းရင်းမြစ်များ

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

2 Agbia 18:24

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Abia (Psaumes) 61:4

Biani, mo yeke ndo so mbi kpe daa ti bata tere ti mbi; mo yeke tongana ngangu gbagba so akanga lege na wato.

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Ésaïe 28:20

Biani, ye ni ayeke duti tongana ti so mbeni *mato atene: gbogbo ni ayeke nduru mingi titene zo alango na ndö ni, le ti balangeti ni ayeke kete mingi titene zo abi na ndö ti lo.

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 4:5

Na pekoni, lo yeke sara mbeni mbinda na kota lâ na ndö ti hoto ti Sion kue nga na ndö ti azo so kue ayeke bongbi na ndö ti hoto ni; lo yeke sara mbeni ngbongboro guru ti wâ so ayeke za na bi. Gonda ti KOTA GBIA ayeke duti na ndö ti aye ni kue.

Ésaïe 5:18

Mawa na ala, azo so ayeke gboto siokpari na peko ti ala na kamba ti mvene! Ala yeke gboto sioni ti ala tongana ti so a yeke gboto pusu ti mbarata.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Ésaïe 65:2

Lakue, mbi yoro maboko ti mbi na mara so asara ngangu li, na azo so amu sioni lege, na ala so ayeke sara gi ye ti be ti ala.

Ésaïe 8:11

*KOTA GBIA agbu mbi ngangu si lo mu na mbi wango titene mbi sara ye tongana ti azo so pepe. Tënë so lo tene na mbi ayeke so:

Ésaïe 8:12

“Ye so kue azo so ayeke iri ni ‘mango tere ti kinda gbia’, ala iri ni tongaso pepe; ye so azo ni ayeke sara mbeto ni, ala sara mbeto ni pepe, ala duti na mbeto ni pepe.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 2:18

Fadeso, nyen laa ayeke gboto mo ti gue na mo na Ezipte titene mo nyon ngu ti Nil so nyen? Nyen laa anzere na mo na mungo lege ti gue na Asirii titene mo nyon ngu ti Efrate so nyen?

Jérémie 37:7

“Tënë so KOTA GBIA, Nzapa ti Israel atene ayeke so: ‘Ala gue, atene na gbia ti Juda so atokua ala ti ga ti baa mbi so, ala tene: aturugu ti Faraon so aga fade ti mu maboko na ala so amu lege ti kiri na Ezipte, kodro ti ala awe.

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 42:19

“Ala atanga ti azo ti Juda, KOTA GBIA atene na ala: Ala gue na Ezipte pepe! Ala ma tënë so nzoni: laso, mbi tene tënë so na ala polele!

Jérémie 5:23

Me mara ti azo so, be ti ala akpengba mingi, ala yeke azo ti ngangu li. Ala gboto tere ti ala si ala hon.

Ezekiel 11:2

Yingo ni atene na mbi: “*Molenge ti zo, baa, azo so laa aleke na be ti ala ti sara asioni ye si ala yeke mu asioni wango na ya ti gbata so!

Ezekiel 2:3

Lo tene na mbi, lo tene: “Molenge ti zo, mbi yeke tokua mo na azo ti Israel, azo ti ngangu li so atomboka na tere ti mbi so. Ala na akotara ti ala ake mbi ngbii asi laso.

Ezekiel 24:3

Mo tene mbeni *mato ndali ti azo ti mara ti ngangu li so; mo tene na ala, mo tene: Tënë so Kota Gbia NZAPA atene ayeke so: ‘Mo leke mbeni tawa, mo leke ni nzoni, mo tuku ngu daa asi.

Ezekiel 29:16

Fade azo ti Israel ayeke kiri ti zia be ti ala na ndö ti kodro ni pepe ti duti na siriri. Ala yeke kiri ti sara siokpari pepe na lege so ala yeke hunda na azo ti Ezipte ti mu na ala maboko. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 3:9

Mbi yeke sara si li ti mo akpengba tongana diaman, akpengba ahon têne. Mo sara mbeto ti ala pepe, tere ti mo ado na le ti ala nga pepe. Biani, ala yeke azo ti mara ti ngangu li.”

Osée 11:6

Ndani laa, fade bira ayeke londo ngangu na ya ti agbata ti ala, bira ni ayeke kungbi angbongboro wen so ala kanga na ayanga ti agbata ni; bira ni ayeke buba asioni ye so azo ni aleke na be ti ala ti sarango ni.

Osée 13:2

Ti fadeso, azo ti Efraim angba ti sara siokpari: ala kporo wen si asara na anzapa nde, ala mu wen ti nginza ti ala si na lege ti kode ti ala, ala sara na ayanda. Ye so kue ayeke ye ti maboko ti awakode-kua. Ndali ti anzapa ni, azo ayeke tene: “Azo, ala mu asandaga na anzapa ni!” Azo ayeke su ngbangba ti akete bagara!

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.

Ndia ti fani use ni 9:24

Ngbene ye so mbi hinga ala, ala sara gi ngangu li na KOTA GBIA ngbii asi laso.

Ndia ti fani use ni 9:7

Moïse atene: Ala azo ti Israel, alingbi ala dabe ti ala na ye so: ala zia lani ngonzo na be ti *KOTA GBIA Nzapa ti ala na benyama. Alingbi be ti ala agirisa na ni laoko pepe! Ti londo na lango so ala sigigi na Ezipte si ala ga ngbii asi ge so, ala tomboka na tere ti KOTA GBIA lakue.

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

Josué 9:14

Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.