Ésaïe 3:9 - Mbeti ti Nzapa - Tënë so amu fini

⁹ Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Ésaïe 3:9 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Tongo nda ti aye 19:34

Lango oko na pekoni, kozo molenge ni atene na ngambe ti lo, atene: “Baa, biri na bi, mbi lango na babâ ti mbi. Ayeke nzoni e kiri e mu samba na lo na bi so, lo nyon si mo gue, mo lango na lo. Tongaso si e sara titene babâ ti e awara amolenge ti zia na peko ti lo.”

Tongo nda ti aye 4:5

Me lo yamba Kain na sandaga ti lo na ngia pepe. Kain asara ngonzo ngangu mingi si lo yeke kanga ndö ti le ti lo.

2 Agbia 9:30

Yehu ali na gbata ti Yizreel awe. So Yezabel ama tënë ni, lo kpaka ambeni ye ti pendere na tere ti kua ti le ti lo, lo leke kua ti li ti lo pendere si na pekoni, lo luti na le ti fenetere.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Amato 15:32

Zo so ake wango abi tere ti lo na sese; me zo so aye titene a gboto mê ti lo, lo yeke ga zo ti hingango ndo.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Ésaïe 57:20

Me azo ti sioni ayeke tongana kota ngu-ingo so ayeke yingi, so alingbi ti duti kpoo pepe; *amapo ni ayeke mu potopoto nga na sarate asigigi na ni.

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 6:15

Kamene alingbi fade ti gbu le ti ala ndali ti asioni ye so ala sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Ezekiel 16:30

Ae, mo yeke kanga be pepe! So tënë ti yanga ti mbi, Kota Gbia NZAPA laa. Na sarango ye tongaso, mo ga makonzi wali-ndumba!

Ezekiel 16:49

Baa, asioni ti ita ti mo Sodome na agbata so ayeke nduru na lo ayeke so: ala yeke agbata ti baba, ala yeke te ye ahon ndoni, ala duti kpoo, mbeni ye ti so be ti ala ayeke daa pepe; ala mu maboko na awayere pepe nga na azo ti mawa.

Ezekiel 23:16

Gi so lo baa ala, Oholiba asara nzara ti ala mingi si lo tokua azo na ala na kodro ti Babilone.

Daniel 7:20

Mbi ye nga ti hinga tënë mbirimbiri na ndö ti adidi baleoko so ayeke na li ti nyama ni so, na mbeni so ayeke sigigi si adidi ota ati na dawa ni so: ale ti didi ni ayeke daa si yanga ni ayeke daa so ayeke tene gba ti atënë ti baba. Azo abaa didi ni kota ahon atanga ni.

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”

1 Samuel 15:32

Na pekoni, Samuel atene: “Ala ga na mbi Agag, gbia ti Amalek.” Agag ni ayeke gue na tere ti Samuel, ngia na yanga ti lo. Lo yeke tene na be ti lo, lo tene: “Biani, ngoi ti mbeto ti kuâ ahon awe.”