Ésaïe 3:5 - Mbeti ti Nzapa - Tënë so amu fini

⁵ Azo ayeke sara ngangu na amba ti ala na popo ti ala, zo oko oko ayeke sara ngangu na mba ti lo. Molenge ayeke londo ti tiri na kangba; senge zo ayeke londo ti tiri na kota zo.

Ésaïe 3:5 ပူးပေါင်းရင်းမြစ်များ

2 Agbia 2:23

Élisée alondo na Jéricho ti gue na Betel. So lo ngba na lege ti guengo ni, ambeni maseka-koli alondo na ya ti gbata ni asigigi si ala yeke he lo, atene: “Li-mbombo, mo gue ma! Li-mbombo, mo gue ma!”

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 11:13

Kota be ti Efraim na tere ti Juda ayeke hunzi, a yeke fâ awato ti Juda kue; Efraim ayeke kiri ti sara kota be na tere ti Juda pepe; Juda ayeke kiri ti duti awato ti Efraim pepe.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 9:18

Ndali ti ngonzo ti KOTA GBIA so ayeke na ndö ti dunia kue, wâ agbi kodro ni kue; azo ni aga tongana ye so wâ agbi ni. Zo oko abaa mawa ti mba ti lo pepe.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Awayango-sandaga 19:32

“Alingbi ala londo na nduzu na dawa ti mbeni zo so kua ti li ti lo avuru. Alingbi ala ne mbakoro; tongaso laa ala yeke fa atene, ala yeke kpe mbeto ti mbi Nzapa ti ala laa. Mbi laa mbi yeke KOTA GBIA.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Zakarii 11:6

Biani, mbi nga, fade mbi yeke baa mawa ti azo ti sese so pepe; so tënë ti yanga ti KOTA GBIA laa. Fade mbi yeke zia zo oko oko na maboko ti mba ti lo so ayeke nduru na lo, nga na maboko ti gbia ti kodro ti lo. Agbia ni ayeke buba sese biani biani, me mbi yeke zi zo oko na maboko ti agbia ni pepe.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 26:67

Na pekoni, ala tuku ngu ti yanga ti ala na le ti lo si ala kpo lo na gobo, ambeni apika ngbangba ti lo,

Marc 14:65

Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Nzoni Tënë so Luc asu na mbeti 22:64

Ala kanga le ti lo na bongo si ala hunda lo, atene: “Sara tongana wayanga-Nzapa! Zo wa laa apika mo?”

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.