Ésaïe 3:26 - Mbeti ti Nzapa - Tënë so amu fini

²⁶ Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 3:26 ပူးပေါင်းရင်းမြစ်များ

Mbeti ti Job 2:13

Ala ngba aduti na lo na sese na ya ti lango mbarambara na bi mbarambara. Zo oko atene tënë na lo pepe, ngbanga ti so ala baa so vundu ti lo ayeke ngangu mingi.

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 33:9

Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 14:2

“Kodro ti Juda ayeke na mua, agbata ti lo ayeke ti tingo. Azo ni ayeke sara mua, ala duti na sese. Demango tere ti Jérusalem ague ngbii asi na yayu.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Abia ti demango tere 1:4

Alege ti guengo na *Sion ade dengo; ala kue ayeke na mua; zo ti gue na matanga ti Nzapa ayeke daa pepe. Ayanga ti gbagba ti gbata ni abuba kue; awayango-sandaga ayeke dema gi demango. Amaseka-wali ti gbata ni angba na vundu; be ti azo ti gbata ni afâ si ala duti na ya ti kota mawa.

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Ezekiel 12:20

Agbata so azo ayeke lango daa ayeke ti biani si kodro ni ayeke ga benyama. Tongaso, fade ala yeke hinga atene, mbi laa mbi yeke KOTA GBIA.’ ”

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Matthieu 11:17

‘E huru *ngoli titene ala dodo, me ala dodo pepe! E he na ala bia ti totongo kuâ, me ala toto pepe!’

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”