Ésaïe 3:23 - Mbeti ti Nzapa - Tënë so amu fini

²³ atatara, anduzu bongo so a sara na *len, abongo ti gbeni nga na abongo ti bingo na tere.

Ésaïe 3:23 ပူးပေါင်းရင်းမြစ်များ

Tongo nda ti aye 24:65

Lo hunda zo ti kua ni, lo tene: “Koli wa laa ayeke fono na ya ti ngonda si lo yeke ga ti tengbi e so?” Zo ti kua ni akiri tënë, atene: “Wa ti mbi laa.” Rébecca amu bongo si lo kanga na le ti lo.

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

1 Mbai 15:27

David ayu kota bongo ti *len, lo na azo ti mara ti Lévi so kue ayeke yo sanduku ni, azo ti hengo bia na Kenania, so ayeke baa lege ti yongo sanduku ni. David ayu nga bongo ti awayango-sandaga so a sara na len.

Sigingo 38:8

Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.

B. ti abia 5:7

Asanziri so ayeke tambula na ya ti gbata awara mbi, asanziri so ayeke bata ngangu gbagba so; ala pika mbi, ala zia ka na tere ti mbi, ala zi mapia-bongo so ayeke na ndö ti go ti mbi.

Ésaïe 3:22

abongo ti matanga, azarabia, anduru yanga ti bongo so a yeke kanga na go na abongo so a yeke rule na go, abozo ti maboko,

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Ésaïe 47:2

Mo mu atêne ti nikango na ye, mo nika na farini. Mo zi bongo na le ti mo, mo yo yanga ti bongo ti mo na nduzu, mo fa gere ti mo na gigi, mo fâ *abale.

Ezekiel 16:10

Mbi mu na mo abongo so a sara apendere nzoroko na tere ni nga na apendere poro so a sara na poro ti nyama; mbi mu na mo kamba ti ndö ti bongo so a sara na *len si mbi yeke yu na mo abongo ti ngangu ngere.

Zakarii 3:5

Ange ni akiri atene: Ala kanga na li ti Yeshua mbeni nzoni bongo. Azo ni akanga na li ti lo nzoni bongo ni si na dawa ti ange ni, ala yu na lo bongo.

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Aye so Nzapa afa 19:14

Aturugu ti yayu amu peko ti lo, ala kue ayeke na ndö ti avuru mbarata si ala yu pendere vuru bongo so a sara na *len si ayeke *nzoni.

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)

Ruth 3:15

Booz atene na Ruth: “Ga na kota bongo so ayeke na tere ti mo so; gbu yanga ni nzoni.” Ruth agbu yanga ti kota bongo ni si Booz amu mbeni sembe, lo haka na ale ti orze fani omene si lo tuku na ya ni; lo zia ni na li ti Ruth si lo mu lege, lo kiri na kodro.