Ésaïe 3:2 - Mbeti ti Nzapa - Tënë so amu fini

² akpengba turugu na asenge turugu, awafango-ngbanga na awayanga-Nzapa, azo ti bango nda ti aye na *akangba,

Ésaïe 3:2 ပူးပေါင်းရင်းမြစ်များ

1 Mbai 9:1

A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

Abia (Psaumes) 74:9

Ye so afa atene, mo yeke na popo ti e, e kiri e baa ni pepe; mbeni wayanga-Nzapa oko ayeke na popo ti e mbeni pepe. Aye ni so ayeke gue ngbii ti hunzi lawa? Na popo ti e, mbeni zo oko ahinga ni pepe.

Ésaïe 3:3

aturugu ti kota kamba na akota zo ti kodro, awamungo-wango, azo ti sarango mazi nga na akota zo ti yoro.

Ezekiel 17:12

“Mo hunda azo ti mara ti ngangu li so, mo tene: Ala ma nda ti toli so pepe? Mo tene na ala, mo tene: Lani gbia ti Babilone aga na Jérusalem, lo mu gbia ni na amakonzi ti lo si lo gue na ala na Babilone.

Ezekiel 17:13

Na pekoni, lo mu mbeni zo ti sewa ti gbia ni, lo sara *mbuki na lo. Gbia ti Babilone asara si zo ni adeba yanga ti lo ti ngba na peko ti lo. Gbia ni ague na akota zo ti kodro ni na yongoro ndo

Ezekiel 8:12

Nzapa atene na mbi: “Molenge ti zo, ye so akangba ti Israel ayeke sara na gbe mingo so, mo baa ni na le ti mo awe-aa? Zo oko oko ayeke na ndo ti vorongo nzapa ti lo na ya ti kubu ti lo. Ala yeke tene: ‘KOTA GBIA alingbi ti baa e oko pepe; lo do kodro ni, lo zia awe!’ ”

Ezekiel 9:5

Na pekoni, mbi ma KOTA GBIA atene na ambeni koli ni, atene: “Ala mu peko ti koli so na ya ti gbata ni, ala fâ azo. Mawa ti azo ni asara ala pepe, ala baa mawa ti zo oko pepe.

Amos 2:3

Fade mbi yeke mingo kota makonzi so ayeke sara kua na ya ti kodro ni; mbi yeke fâ amakonzi ti lo kue legeoko na lo”; tënë so KOTA GBIA atene laa.