Ésaïe 3:14 - Mbeti ti Nzapa - Tënë so amu fini

¹⁴ KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 3:14 ပူးပေါင်းရင်းမြစ်များ

Mbeti ti Job 22:4

Tongana lo pika mo, lo gue na mo na ngbanga, mo baa ti mo, mo tene, lo sara ni ndali ti so mo kpe mbeto ti lo?

Mbeti ti Job 24:14

Zo ti fango zo ayeke londo na kota ndaperere, lo yeke fâ zo ti mawa na wayere. Na bi, lo ga zo ti nzi.

Mbeti ti Job 24:9

A yeke gboto nyindu na yanga ti me; a yeke gbu zo ti mawa na ngangu ti futa yongo so ayeke na li ti lo.

Mbeti ti Job 34:23

Titene Nzapa ague na zo na gbe ti ngbanga, lo lingbi ti gi nda ti tënë ti zo ngbii pepe.

Abia (Psaumes) 10:9

Lo honde tere ti lo ngangu tongana bamara na ya ti pere; lo honde tere ti lo ti gbu zo ti mawa; lo gbu lo, lo gboto lo na gbanda ti lo.

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Amato 30:14

“Ambeni zo ayeke daa so pembe ti ala ayeke tongana yongoro zeme si abio ti ngbangba ti ala ayeke tongana zeme. Azo ni ayeke te azo ti mawa ti kodro ni si ala ye ti zi awayere na popo ti azo.”

Ésaïe 10:1

Mawa na azo so ayeke lu asioni ndia, ala so ayeke su andia ni na mbeti ti sara si azo aga azo ti mawa!

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 14:30

Fade awayere ayeke te ye nzoni, azo ti mawa ayeke wu tere nzoni, mbeni ye ti sarango ala ayeke daa pepe. Me ti ala azo ti Filistii, fade mbi yeke sara titene *ahale ti ala akui nzara si tanga ti azo ti ala so angba na fini, a yeke fâ ala.

Ésaïe 26:6

Awayere na asenge zo ayeke do gbata ni na gbe ti gere ti ala.”

Ésaïe 29:19

Azo so ayeke sara tere ti ala kete ayeke wara ngia so ayeke gue guengo na nduzu ndali ti *KOTA GBIA; azo so yere ti ala ahon ndoni ayeke dodo na ngia ndali ti Nzapa ti Israel so ayeke nde si ayeke nzoni kue.

Ésaïe 30:12

Ndani laa Nzapa ti Israel, lo so lo yeke nde si lo yeke nzoni kue atene: “Ala ke tënë ti mbi awe, ala zia be ti ala gi na ndö ti azo so ayeke sara ngangu na ala si ayeke tene mvene na ala; azo ni so laa ala luti na ndö ti ala.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 58:4

ala yeke papa, ala yeke tiri si na sioni be, ala yeke kpo amba ti ala na gobo. Mara ti kengo kobe tongaso ayeke sara si sambela ti ala asi na mbi pepe.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 5:27

Tongana sakpa so ya ni asi na andeke, ya ti da ti ala asi singo na aye ti handa. Lege so ala yeke ga akota zo na azo ti mosoro laa.

Ezekiel 18:12

lo yeke sara ngangu na azo ti mawa na awayere, lo yeke nzi ye ti azo. Ye so lo gbu na maboko ti zo ndali ti yongo ti lo, lo yeke kiri na ni na wani pepe, lo yeke baa ndo na mbage ti ayanda, lo yeke sara aye so zo alingbi ti baa na le ti lo fani use pepe.

Ezekiel 20:35

Fade mbi yeke gue na ala na benyama ti amara ni. Kâ, le na le, mbi yeke fâ ngbanga na ndö ti ala.

Ezekiel 20:36

Fade mbi yeke fâ ngbanga na ndö ti ala tongana ti so mbi fâ ando na ndö ti akotara ti ala na benyama ti Ezipte. So tënë ti yanga ti Kota Gbia NZAPA laa.

Awayango-sandaga 25:14

Tongana ala ka sese na mba ti ala, wala ala vo sese na maboko ti lo, alingbi ala sara mbana na lo pepe.

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?