Ésaïe 3:11 - Mbeti ti Nzapa - Tënë so amu fini

¹¹ Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Ésaïe 3:11 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Agbia 21:21

Ndani laa KOTA GBIA atene: ‘Fade mbi yeke sara titene mbeni ye ti mawa aga na ndö ti mo; mbi yeke balee azo ti sewa ti mo, mbi yeke zi akoli so kue ayeke na ndo ti mo, ataa angbaa wala ala so ayeke angbaa pepe.

2 Mbai 6:23

mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, lo wara pika lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

Mbeti ti Job 10:15

Tongana tënë ayeke na li ti mbi, so mawa na mbi! Ataa mbi yeke fade zo ti mbirimbiri, ka mbi lingbi ti yo li ti mbi na nduzu pepe. Kamene ahon ndö ti mbi, kota mawa ahon ndö ti mbi.

Abia (Psaumes) 28:4

Mo sara na ala alingbi na sarango ye ti ala; mo sara na ala alingbi na sioni kua ti ala. Kiri na sioni ti ala na li ti ala wani.

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 11:31

Zo ti mbirimbiri awara futa ti lo na sese so awe; ayeke nzoni azo ahinga biani atene, fade zo ti sioni na zo ti siokpari ayeke wara nga ye so alingbi na ala!

Amato 12:14

Atënë so zo atene alingbi ti sara si lo baa nzoni na pekoni legeoko tongana ti so zo ayeke wara futa na peko ti kua so lo sara.

Amato 26:27

Zo so azi du, fade lo yeke ti daa; zo so arule têne, fade têne ni akiri ti ti na ndö ti lo.

Zo ti bongbingo azo 8:13

Fade zo ti sioni ayeke duti nzoni pepe. Lo yeke hon hongo tongana gbe ti de; lango ti fini ti lo ayeke gue yongoro pepe, ngbanga ti so lo yeke kpe mbeto ti Nzapa pepe.”

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 48:22

KOTA GBIA atene: “Siriri ayeke ndali ti azo ti sioni pepe.”

Ésaïe 65:20

Fade kete molenge so ayeke sara gi kete lango si lo kui, ayeke duti kâ pepe. Akangba ayeke ga mbakoro kue si ala kui. Zo so awara ngu ngbangbo oko si lo kui, andaa lo ngba maseka mingi. Zo so akui kozo titene lo wara ngu ngbangbo oko, a baa lo tongana zo so a deba lo debango.

Ésaïe 65:6

Me mbi su aye so kue na mbeti awe; mbi yeke duti kpoo pepe, ngbii mbi futa ala alingbi na ala, mbi futa ala sioni sioni.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 31:30

Biani, tongana zo ate akpi-kpi le ti vinye, pembe ti lo wani laa ayeke kui; fade zo oko oko ayeke kui ndali ti sioni ti lo wani.

Ezekiel 16:59

“Biani, tënë so mbi Kota Gbia NZAPA, mbi tene ayeke so: Mo baa dengo ba ti yanga ti mo tongana mbumbuse ye si mo buba lege ti *mbuki ti mbi na mo. Ndani laa, fade mbi yeke sara na mo alingbi na ye so mo sara.

Ezekiel 18:20

Zo so asara siokpari, lo laa lo yeke kui. Fade molenge ayeke yo ngbanga ti sioni ti babâ ti lo pepe; babâ ayeke yo ngbanga ti sioni ti amolenge ti lo pepe. Zo ti mbirimbiri ayeke wara futa ti sarango ye ti mbirimbiri ti lo, zo ti sioni ayeke wara futa ti sarango sioni ti lo.”

Ezekiel 2:10

Maboko ni azi ya ti mbeti ni na le ti mbi. A su mbeti na le ti *rulo ni na ya ni nga na peko ni kue. Abia ti demango tere, atënë ti toto na ti dema laa a su na le ni.

Ezekiel 24:14

Mbi KOTA GBIA, mbi tene tënë awe. Ye so kue ayeke si; mbi yeke sara ye ni. Mbi yeke zia ni ahon senge pepe; mbi yeke baa mawa ti ye oko pepe, be ti mbi ayeke so oko pepe. A yeke fâ ngbanga na li ti mo alingbi na lege ti dutingo ti mo nga na asarango ye ti mo. So tënë ti yanga ti Kota Gbia NZAPA laa.”

Ezekiel 33:8

Tongana mbi tene na zo ti sioni, mbi tene: ‘Mo zo ti sioni, fade mo yeke kui biani!’ Tongana mo gboto mê ti lo titene lo zia lege ti sarango ye ti lo pepe si zo ti sioni ni akui ndali ti siokpari ti lo, mo laa mbi yeke hunda mene ti lo na maboko ti mo.

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Mishe 7:13

Fade tanga ti sese ayeke ga tongana benyama ndali ti sioni sarango ye ti azo so alango kâ.

Wungo ti azo 32:23

Me tongana ala sara tongaso pepe, andaa ala sara siokpari ti ke KOTA GBIA; ala yeke wara ye ti peko ti siokpari ti ala ni.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Awafango-ngbanga 9:57

Nzapa asara nga si sioni so azo ti Sishem asara, sioni ni akiri gi na li ti ala wani. Nilaa dengo ba so Yotam, molenge ti Yerubaal, ade na li ti ala, dengo ba ni aga taa-tënë biani.