Ésaïe 3:1 - Mbeti ti Nzapa - Tënë so amu fini

¹ Biani, Kota Gbia NZAPA so ayeke na ndö ti dunia kue ayeke zi na ya ti gbata ti Jérusalem nga na ya ti kodro ti Juda aye so kue ayeke mu ngangu na azo: lo yeke zi kobe na ngu,

Ésaïe 3:1 ပူးပေါင်းရင်းမြစ်များ

2 Agbia 25:3

Na lango gumbaya ti nze ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Abia (Psaumes) 105:16

Lo sara si kota nzara aga na ya ti kodro ni, lo sara si kobe kue atia ala.

Ésaïe 1:24

Ndani laa, so tënë ti yanga ti Kota Gbia NZAPA laa, lo so lo yeke na ndö ti dunia kue, ngangu Nzapa ti Israel atene: “Mawa na ala, azo so ake mbi! Fade mbi yeke nika ala nikango, mbi yeke kiri peko ti sioni na awato ti mbi.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Ésaïe 36:12

Me makonzi ti aturugu ni akiri tënë: “Gbia ti mbi atokua mbi ti tene tënë so gi na ala nga na gbia ti ala oko? Tënë ni ayeke nga ndali ti azo so aduti na ndö ti gbagba ti gbata ni, azo so fade ayeke te puru ti ala wani si ala yeke nyon inon ti ala tongana ti so ala na gbia ti ala ayeke sara ni ande.”

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 51:22

Kota Gbia ti mo, KOTA GBIA Nzapa ti mo, lo so lo yeke gbu koko ti azo ti lo, tënë so lo tene ayeke so: “Kopo so ayeke sara si li ti mo aga kirikiri, kopo so ngonzo ti mbi ayeke na ya ni, mbi yeke zi ni na maboko ti mo. Fadeso, mo yeke kiri ti nyon ni pepe.

Ésaïe 9:20

Azo ti mara ti Manase ayeke te azo ti mara ti Efraim, azo ti mara ti Efraim ayeke te azo ti mara ti Manase. Amara use so kue abongbi ti ga na tere ti azo ti mara ti Juda. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:9

“Babâ gbia, ye so kue azo so asara na wayanga-Nzapa Jérémie so ayeke sioni mingi; ala bi lo na ya ti du ti ngu! Lo yeke kui na ya ti du ni, ngbanga ti so kobe ayeke na ya ti gbata ni mbeni pepe.”

Jérémie 52:3

Akpale so aga na ndö ti Jérusalem nga na ndö ti Juda ndali ti ngonzo ti KOTA GBIA; ye so asara si lo tumba ala yongoro na tere ti lo. Sedesias atomboka na tere ti Nabukodonosor, gbia ti Babilone.

Jérémie 52:6

Na lango gumbaya ti nze osio ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Abia ti demango tere 5:4

Titene e nyon ngu ti du-ngu ti e wani, e kiri e yeke vo ni vongo na nginza. Titene e wara akeke ti wâ ti e wani, e kiri e yeke futa mbeni nginza si.

Ezekiel 14:13

“*Molenge ti zo, tongana azo ti mbeni kodro asara siokpari so ake mbi si ala sara ye so ayeke sioni mingi, fade mbi yeke yoro maboko ti mbi ti pika ala, mbi yeke buba akobe ti ala so ala bata, mbi yeke tokua kota nzara na tere ti ala, mbi yeke fâ azo na anyama kue ti kodro ni ti hunzi ala.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Amos 4:6

“Mbi *KOTA GBIA, mbi sara si nzara amu ya ti agbata ti ala kue; mbi sara si kobe atia na ya ti ada ti ala kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Mishe 4:9

Ala azo ti Jérusalem, ngbanga ti nyen si ala yeke dekongo fadeso ngangu tongaso? Ngbanga ti nyen si ala yeke baa pasi tongana wali so aye ti du? Gbia ayeke na kodro ti ala pepe? Awamungo-wango ti ala akui awe?