Ésaïe 29:7 - Mbeti ti Nzapa - Tënë so amu fini

⁷ Gba ti azo so ayeke tiri bira lani na mo Ariel, fade ala kue ayeke hon tongana bango-li. Azo so kue ayeke sara gbagba na tere ti mo ti tiri bira na mo, azo so ayeke pete mo mbage na mbage, fade ala kue ayeke hon tongana ti so zo ayeke baa ye na ya ti mbeni ye tongana bango-li.

Ésaïe 29:7 ပူးပေါင်းရင်းမြစ်များ

Mbeti ti Job 20:8

Lo yeke hon tongana bango-li, zo ayeke kiri ti wara lo pepe; lo girisa tongana mbeni ye so zo abaa na ya ti bango-li.

Abia (Psaumes) 73:20

Tongana ti so zo abaa li ti lo si na ndaperere, lo girisa ni, Kota Gbia, na ndembe so mo yeke londo, mo yeke sara si azo agirisa ala.

Ésaïe 17:14

Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 40:17

Na le ti KOTA GBIA, azo ti mara kue ayeke ye oko pepe; ala yeke gi senge senge ye, ala yeke tongana pupu senge.

Nahum 2:1

Ala azo ti Juda, baa mbeni zo alondo na ndö ti ahoto ayeke ga, lo yeke ga na nzoni tënë: lo yeke tene tënë ti siriri! Ala sara amatanga ti ala, ala sara ye alingbi na zendo so ala mu na Nzapa. Zo ti sioni pialo ti bubango ndo so ayeke kiri ti hon na ya ti kodro ti ala pepe; ti lo ahunzi biani biani awe.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.