Ésaïe 29:4 - Mbeti ti Nzapa - Tënë so amu fini

⁴ Fade mo yeke ti taa na gbeni, asara si tënë ti mo ayeke londo na gbe ti sese si asigigi; go ti mo so alondo na ya ti fuku ti sese si asigigi, azo ayeke ma ni nzoni pepe. Azo ayeke ma go ti mo ni tongana go ti mbeni toro so ayeke tene tënë na gbe ti go ti lo na ya ti fuku ti sese.

Ésaïe 29:4 ပူးပေါင်းရင်းမြစ်များ

Abia (Psaumes) 44:25

Mo honde le ti mo na e ngbanga ti nyen? Be ti mo agirisa na pasi ti e nga na ye ti ngangu so asi na e ngbanga ti nyen?

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 32:19

Fade *pembe ti bekpa ayeke ti na ndö ti gbako, gbata ayeke ti.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 52:2

Jérusalem, londo na ya ti fuku ti sese, mo yengere tere ti mo, kiri mo duti na ndo ti mo. Gbata ti Sion, zo ti kanga, zi kamba so a kanga na go ti mo!

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Abia ti demango tere 1:9

Sioni ti lo avuko yanga ti bongo ti lo. Ye ni so asi fade na lo so, lo gbu li ti lo na ndö ni kozoni pepe. Gbata ti Jérusalem ati ngangu; mbeni zo ti de be ti lo ayeke daa pepe. Lo tene: “KOTA GBIA, baa mbi ga buba ahon ndoni! Mo baa, wato ayeke hon ndö ti mbi.”