Ésaïe 29:16 - Mbeti ti Nzapa - Tënë so amu fini

¹⁶ So buba tënë ti nyen laa ala yeke tene so! Fade a yeke mu wasarango-ta ti lingbi na sese ti sarango na ta ni? Ye so zo asara, fade ye ni atene na zo ti sarango lo, atene: “Lo laa lo sara mbi pepe”? Fade ta ti sese atene na zo ti sarango lo, atene: “Lo hinga ndo pepe”?

Ésaïe 29:16 ပူးပေါင်းရင်းမြစ်များ

Abia (Psaumes) 103:14

Biani, lo hinga ye so a sara e na ni, lo dabe ti lo so e yeke gi fuku ti sese.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.