Ésaïe 29:10 - Mbeti ti Nzapa - Tënë so amu fini

¹⁰ Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 29:10 ပူးပေါင်းရင်းမြစ်များ

Rome 11:8

tongana ti so Mbeti ti Nzapa atene: “Nzapa akanga lege ti hingango ndo ti ala, lo kanga le ti ala titene ala baa ndo pepe, lo kanga mê ti ala titene ala ma tënë pepe; lo sara tongaso ngbii asi laso.”

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Mishe 3:6

Ndani laa, ala awayanga-Nzapa, fade ndo ayeke vuko na ndö ti ala, ala yeke kiri ti baa ye na ya ti mbeni ye tongana bango-li pepe. Ti ala, ndo ayeke vuko pitipiti na ndö ti ala si aye so ayeke si ande, ala yeke kiri ti hinga ni pepe. Fade lâ ayeke kui na ndö ti awayanga-Nzapa ni si na kota lâ, ndo ayeke vuko na ndö ti ala.”

Ezekiel 14:9

“Tongana mbeni wayanga-Nzapa azia lege si azo ahanda lo si lo kiri tënë lo wani, mbi KOTA GBIA laa, mbi handa wayanga-Nzapa so. Mbi yeke yoro maboko ti mbi ti pika lo si mbi yeke zi lo na popo ti azo ti Israel, azo ti mbi.

Abia (Psaumes) 69:23

Ayeke nzoni akobe ti matanga ti ala aga gbanda ndali ti ala, aga kuku ndali ti azo so ala tisa ala!

1 Samuel 26:12

David amu likongo nga na ngângâ ti ngu so ayeke nduru na mbage ti li ti Saul si ala hon. Mbeni zo oko abaa ala pepe, mbeni zo oko ahinga ye daa pepe, mbeni zo oko azingo na lango pepe. Ala kue akui na lango; KOTA GBIA laa asara si kota lango ahon ndö ti ala biani.

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Jérémie 4:9

So tënë ti yanga ti KOTA GBIA laa: “Na lango ni so, fade be ti gbia na akota zo ti kodro ti lo ayeke woko. Li ti awayango-sandaga ayeke kpe si kota mbeto ayeke gbu awayanga-Nzapa.

Abia ti demango tere 4:14

Tongana awaziba, ala yeke fono gi kirikiri na ndö ti alege. Mene so atuku asara si ala ga *sioni; a ke na zo ti ndu bongo ti ala.

Mishe 2:6

Ambeni zo ni ayeke diko gba ti atënë na tere ti mbi, atene: “Zia ti diko gba ti atënë so! Zia ti diko gba ti atënë so, mo tene: nyen na nyen kue, Nzapa ayeke zia kamene na le ti e so.