Ésaïe 29:1 - Mbeti ti Nzapa - Tënë so amu fini

¹ *KOTA GBIA atene: “So mawa na mo Ariel, Ariel, gbata so David aga ti tiri bira na mo so! Ngu na ngu, mo lingbi ti sara amatanga na lege ti amolongo ni,

Ésaïe 29:1 ပူးပေါင်းရင်းမြစ်များ

2 Samuel 5:9

David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 29:9

Li ti ala akpe, tënë ahunzi na yanga ti ala! Ala ga awaziba, ala ngba gi tongaso! Samba ahon ndö ti ala, me samba laa ala nyon pepe. Ala tambula kirikiri, me ngangu samba laa asara ala pepe.

Ésaïe 31:9

Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Jérémie 7:21

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “Ala mu anyama ti *sandaga ti ala so a yeke gbi ni kue na wâ so, ala bongbi ni na tanga ti asandaga so ala yeke mu ka na mbi so, ala wani ate ni ma!

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:4

Kâ, fade ala yeke tuku vin kete na sese ti mu na *sandaga na KOTA GBIA pepe; sandaga ti ala ni ayeke nzere na be ti lo pepe. Kobe ti ala ayeke duti tongana kobe so azo ayeke te na ngoi ti ye ti vundu; azo so kue ayeke te ni, ala yeke ga *sioni. Kobe ti ala ni ayeke kai nzara ti ala, me ala lingbi ti li na ni na ya ti kota da ti KOTA GBIA pepe.

Awayango-sandaga 23:4

“Ambeni kota matanga so ala yeke bongbi ti voro mbi KOTA GBIA fade ala yeke sara ni alingbi na alango so a diko awe:

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.