Ésaïe 28:9 - Mbeti ti Nzapa - Tënë so amu fini

⁹ Ala yeke hunda ndo, atene: “Ésaïe ayeke fa ti lo ye ni na zo wa? Lo yeke fa nda ti atënë ti Nzapa ni na zo wa? Na amolenge so a zi ala na yanga ti me fafadeso? Na akete molenge so a gbanzi ala na me fafadeso?

Ésaïe 28:9 ပူးပေါင်းရင်းမြစ်များ

Abia (Psaumes) 131:2

Me mbi kai si mbi duti kpoo tongana molenge so ayeke na kate ti mama ti lo, lo nyon me, ya ti lo asi. Be ti mbi ade tongana ti molenge so.

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Amato 1:29

Aye ni ayeke duti tongaso, ngbanga ti so ala ke ti hinga ye; ala ye ti kpe mbeto ti KOTA GBIA pepe.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 28:26

Nzapa ti lo laa afa na lo lege ti sarango ye ni, lo laa lo fa na lo ye ni.

Ésaïe 30:20

Na ngoi ti ye ti vundu, KOTA GBIA ayeke mu na mo kobe. Na ngoi ti ye ti ngangu, lo yeke mu na mo ngu ti nyongo ni. Lo so lo yeke fa ye na mo, lo yeke kiri ti honde tere ti lo pepe, fade mo yeke baa lo na le ti mo.

Ésaïe 48:17

*KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Jérémie 35:13

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: Gue mo tene na azo ti Juda nga na azo ti Jérusalem, mo tene: Fade ala yeke ma wango ti mbi pepe? Ala yeke ma tënë ti mbi pepe? So tënë ti yanga ti KOTA GBIA laa.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Marc 10:15

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Jean 12:38

Tongaso, tënë so Ésaïe, wayanga-Nzapa atene aga taa-tënë, lo tene: “*Kota Gbia, zo wa laa ayeda na tënë so e tene? Kota Gbia afa ngangu ti lo na zo wa?”

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.