Ésaïe 28:7 - Mbeti ti Nzapa - Tënë so amu fini

⁷ Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 28:7 ပူးပေါင်းရင်းမြစ်များ

Abia (Psaumes) 107:27

Li ti ala aga kirikiri si ala yeke tambula tongana zo so samba ahon ndö ti lo, ala hinga ye so ala lingbi ti sara pepe.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 23:30

Gi azo so ayeke mu ka ngoi ti ala mingi ti duti na tere ti samba; azo so ayeke gue lakue ti gi angangu samba ti nyon.

Zo ti bongbingo azo 10:17

Ti lo nzoni, kodro so gbia ni ayeke molenge ti kota zo si amakonzi ti kodro ni ayeke te kobe na ngoi so alingbi. Ala yeke te kobe ni ti wara ngangu, me titene ala nyon samba ahon ndoni pepe.

Ésaïe 19:14

KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 24:2

Ye so ayeke si na wayango-sandaga, gi ni laa ayeke si na senge zo; ayeke si na wa ti zo ti kua nga na zo ti kua ti lo; ayeke si na wali so ayeke wa ti zo ti kua nga na zo ti kua ti lo ti wali; ayeke si na zo ti kango ye nga na zo ti vongo ye; ayeke si na zo ti mungo yongo na amba ti lo nga na zo so ahunda yongo ni; ayeke si na zo so ayeke mu ye na amba ti lo ti wara mbeni ye na ndö ni nga na zo so afuta ye si azia mbeni na ndö ni.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 29:11

Na ala, aye so kue Nzapa afa ayeke tongana tënë so a su na ya ti mbeti so a kanga yanga ni si a kpo nzoroko na ndö ni. A mu mbeti ni na zo so ahinga ti diko mbeti si a tene na lo: “Diko mbeti so!” Me zo ni akiri tënë: “Mbi lingbi ti diko ni pepe, ngbanga ti so a kpo nzoroko na ndö ti mbeti ni.”

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Jérémie 14:14

KOTA GBIA akiri tënë na mbi: “Tënë so awayanga-Nzapa ni ayeke tene na iri ti mbi so ayeke mvene. Mbi tokua ala pepe, mbi mu yanga na ala pepe, mbi tene nga tënë na ala pepe. Aye so ala yeke baa na ya ti mbeni ye tongana bango-li so ayeke mvene; so gi atënë ti mbadi senge, atënë ti gingo nda ti ye senge na atënë ti handa so alondo na be ti ala wani.

Jérémie 23:13

“Na popo ti awayanga-Nzapa ti Samarii, mbi baa ye ti ziango ngonzo na be ti zo: ala tene peko ti tënë ti yanga ti *Baal, ala sara si Israel, azo ti mbi, ague kirikiri.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Abia ti demango tere 2:4

KOTA GBIA agboto ya ti kokora ti lo tongana wato; maboko ti lo ti koli angba gi ngbango daa. Lo fâ aye so kue ayeke pendere mingi ti bango ni. KOTA GBIA atuku ngonzo ti lo ti wâ na ndö ti kota da-Nzapa ti Jérusalem.

Ezekiel 13:7

Mbi hunda ala, mbi tene: ‘Ye so ala baa na ya ti mbeni ye tongana bango-li ayeke mvene pepe? Bango nda ti aye ti ala ayeke ti handa na azo pepe? Ala yeke tene: So tënë ti yanga ti KOTA GBIA laa, andaa mbi laa mbi tene tënë ni pepe!

Ezekiel 44:21

Tongana mbeni wayango-sandaga aye ti li na ya ti gbagba ti ya ni, lo lingbi ti nyon vin pepe.

Osée 7:5

Na lango ti matanga ti gbia ti e, amakonzi anyon samba ahon ndö ti ala si ala woko kue; gbia asara beoko na azo ti hengo ndo

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Habakuk 2:15

“Mawa na mo, mo so mo mu samba na mba ti mo, mo tuku sioni samba na mba ti mo, lo nyon ngbii ahon ndö ti lo, azo abaa tere ti lo so ayeke ndumbu si ala he lo.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Efeze 5:28

Alingbi akoli nga aye awali ti ala tongana ti so ala ye tere ti ala wani. Zo so aye wali ti lo, andaa lo ye tere ti lo wani.