Ésaïe 28:6 - Mbeti ti Nzapa - Tënë so amu fini

⁶ Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

Ésaïe 28:6 ပူးပေါင်းရင်းမြစ်များ

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

2 Mbai 32:6

Na pekoni, lo zia amakonzi ti aturugu na li ti azo ti gbata ni. Lo bongbi azo kue na kota le ti kodro so ayeke nduru na yanga ti gbata ni si lo mu wango na ala, lo tene:

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Amato 20:8

Tongana gbia aduti ti fâ ngbanga si mbeni ye ti sioni ayeke daa, fafade le ti lo ayeke ti na ndö ni.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Zakarii 12:5

Fade amakonzi ti Juda ayeke tene na be ti ala: ‘Ngangu ti azo ti Jérusalem ayeke na maboko ti KOTA GBIA, Nzapa ti ala so ayeke na ndö ti dunia kue.’

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Jean 5:30

Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”