Ésaïe 28:5 - Mbeti ti Nzapa - Tënë so amu fini

⁵ Na lango ni so, fade KOTA GBIA so ayeke na ndö ti dunia kue, lo wani, lo yeke ga tongana kpoto ti gbia so ayeke za zango, lo yeke ga tongana anzoni ye ti pendere ndali ti azo ti lo so angba na fini.

Ésaïe 28:5 ပူးပေါင်းရင်းမြစ်များ

Mbeti ti Job 29:14

Sarango ye ti mbirimbiri ayeke tongana bongo ti mbi ti yungo ni; sarango ye na legeni ayeke tongana kota bongo ti de, wala kpoto ti yungo ni.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 24:16

Na nda ti sese kâ, e yeke ma bia so: “Gonda na Nzapa so ayeke mbirimbiri!” Ti mbi, mbi tene: “Ti mbi ahunzi awe! Ti mbi ahunzi awe! So mawa na mbi!” Azo ti kango zo ayeke sara kua ti ala. Ala yeke ka amba ti ala! Azo ti kango zo ayeke sara kua ti ala.

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Ésaïe 60:19

Fadeso, na kota lâ, sungo ti lâ laa ayeke kiri ti mu lumiere na mo pepe, na bi, sungo ti nze laa ayeke kiri ti mu lumiere na mo pepe. Me mbi KOTA GBIA, Nzapa ti mo laa, mbi yeke ga lumiere ti mo lakue lakue. Vurungo ndo ti mbi ayeke su na ndö ti mo.

Ésaïe 62:3

Mo yeke ga tongana pendere kpoto ti gbia na maboko ti *KOTA GBIA; mo yeke ga tongana kpoto ti gbia na ya ti maboko ti Nzapa ti mo.

Ezekiel 16:12

Mbi zia kati na hon ti mo, mbi zia aye ti mê na mê ti mo nga na pendere kpoto ti gbia na li ti mo.

Zakarii 12:5

Fade amakonzi ti Juda ayeke tene na be ti ala: ‘Ngangu ti azo ti Jérusalem ayeke na maboko ti KOTA GBIA, Nzapa ti ala so ayeke na ndö ti dunia kue.’

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.