Ésaïe 28:4 - Mbeti ti Nzapa - Tënë so amu fini

⁴ Kongo so awoko awe si ayeke sara pendere ti gbata ni, gbata so ayeke na nduzu ti popo-hoto so akobe ayeke le daa mingi so, fade ayeke ga tongana le ti fige so abe kozo na ngoi ti fango ale ti kobe. Gi so mbeni zo abaa le ti fige ni, lo mu ni si hio lo mene ni.

Ésaïe 28:4 ပူးပေါင်းရင်းမြစ်များ

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Osée 9:16

A pika Efraim awe; lo yeke tongana keke so agunda ni ahole awe si ayeke kiri ti le pepe. Ataa lo du amolenge, fade mbi yeke sara si amolenge ti ya ti lo so lo ye ala mingi so akui.”

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Nahum 3:12

Angangu gbagba ti mo kue ayeke tongana ale ti fige so abe awe. Gi so zo ayingi keke ti fige ni, ale ni ayeke ti na yanga ti zo ni.

Aye so Nzapa afa 6:13

atongoro alondo na nduzu atuku na sese tongana ti so ale ti fige so ade ti be pepe ayeke tuku na sese na peko ti so kota pupu ayingi keke ni.