Ésaïe 28:25 - Mbeti ti Nzapa - Tënë so amu fini

²⁵ Kozoni, lo yeke leke sese ni nzoni si; ye ni ayeke tongaso pepe? Na pekoni, lo yeke bi ale ti kugbe ti kasa, lo yeke lu ale ti *ble na ale ti bondo nga na ale ti orze na ndo so alingbi na ni. Ti hunzi na ni, lo yeke lu ambeni le ti kobe nde na yanga ti yaka ni.

Ésaïe 28:25 ပူးပေါင်းရင်းမြစ်များ

Ésaïe 28:24

Zo ti fango yaka so aye ti lu ale ti kobe, lo yeke mu ngoi kue ti de ya ti sese? Lo yeke mu ngoi kue ti suru alege, ti pika ya ti angbongboro sese?

Ésaïe 28:26

Nzapa ti lo laa afa na lo lege ti sarango ye ni, lo laa lo fa na lo ye ni.

Ezekiel 4:9

“Mo mu fadeso farini ti *ble, ti *orze, ti ariko, ti lantii, ti bondo na ti kpengbango ble; mo bongbi ni kue na ya ti sembe oko, mo sara na mapa. Mo yeke te gi mapa so na ya ti lango ngbangbo ota na balegumbaya so mo yeke lango na sese na mbage ti maboko ti mo oko.

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.