Ésaïe 28:22 - Mbeti ti Nzapa - Tënë so amu fini

²² Fadeso, ala zia lege ti hengo ndo, tongaso pepe, kamba so akanga na ala, ayeke kiri ti kanga ala ngangu. Biani, Kota Gbia NZAPA so ayeke na ndö ti dunia kue atene na mbi atene, lo leke na be ti lo ti buba kodro ni biani biani.

Ésaïe 28:22 ပူးပေါင်းရင်းမြစ်များ

2 Mbai 30:10

Awatokua ni atambula na ya ti agbata oko na oko ti sese ti Efraim na ti Manase, ngbii ala si na sese ti Zabulon. Me azo ayeke he ala na ngia si ayeke dekongo na li ti ala.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Abia (Psaumes) 107:16

Biani, lo kungbi ayanga ti da so a sara na bengba wen si lo fâ kota wen ti kangango na yanga ti da.

Sigingo 8:25

Moïse akiri atene: “Gi so mbi yeke sigigi na ndo ti mo, fade mbi yeke sambela KOTA GBIA. Kekereke, fade asioni vuma ni ayeke hon yongoro na tere ti mo, na tere ti azo ti gbe ti mo nga na tere ti azo ti kodro ti mo. Gi ye oko, alingbi mo kiri mo handa e pepe, mo kanga lege na azo ti Israel pepe titene ala gue, amu sandaga na KOTA GBIA.”

Amato 19:29

A leke ngbanga ndali ti azo ti hengo ndo; pika ayeke ku ngbonda ti azo ti buba kungo.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 28:23

Ala dingi mê ti ala, ala ma mbi! Ala duti kpoo, ala ma tënë ti mbi!

Jérémie 15:17

Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 25:11

Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Jérémie 36:23

Tongana Yehudi adiko kamba ota wala osio ti mbeti ni, gbia ayeke fâ ni na zeme ti fango na mbeti, lo bi na le ti wâ ti ya ti duke ni. Lo sara tongaso ngbii rulo ni kue agbi.

Jérémie 39:7

Na pekoni, lo koro le ti Sedesias, lo kanga lo na azingiri use ti bengba wen ti gue na lo na Babilone.

Abia ti demango tere 1:14

Le ti KOTA GBIA abaa asioni so mbi sara; lo kanga asioni ti mbi na ndö ti mbi tongana *zuge so lo zia na ndö ti mbi; asioni ti mbi ni akono agbu mbi na go. Kota Gbia awoko ngangu ti mbi kue awe. Lo zia mbi na maboko ti awato ti mbi; mbi lingbi ti gbu le ni na ala pepe.

Ezekiel 22:14

Na lango so mbi yeke londo ti ga na tere ti ala, fade ala yeke kanga be ti ala? Ala yeke gbu le ni? Mbi KOTA GBIA, mbi tene tënë awe; mbi yeke sara ye ni.

Nahum 1:9

Ala azo, nyen laa ala yeke leke na be ti ala na tere ti *KOTA GBIA so nyen? Lo yeke hunzi awato ti ala kue si mbeni ye ti ngangu ayeke kiri ti si na ala, azo ti Juda pepe.

Matthieu 27:39

Azo so ayeke hon nduru na tere ti lo ayingi li ti ala si ala zonga lo,

Matthieu 27:44

Ataa azo ti sarango sioni so a kanga ala na keke ti kroa na tere ti lo ayeke zonga lo gi tongaso nga.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”