Ésaïe 28:21 - Mbeti ti Nzapa - Tënë so amu fini

²¹ Fade KOTA GBIA ayeke sara ye tongana ti so lo sara na li ti hoto ti Perasim; lo yeke do na ngonzo tongana ti so lo sara na popo-hoto ti Gabaon, na ndembe so lo yeke sara kua ti lo, kua ti lo so zo ahinga li ti lo daa pepe, kua ti lo ti ndima.

Ésaïe 28:21 ပူးပေါင်းရင်းမြစ်များ

2 Samuel 5:20

David asi na Baal-Perasim; na ndo so laa lo fâ azo ti Filistii. Na pekoni, lo tene: “Na dawa ti mbi, KOTA GBIA asuru lege na popo ti awato ti mbi, tongana ti so ngu ayeke suru lege na ndo so azo aye ti kanga lege na ni.” Ndani laa azo adi iri ti ndo ni so Baal-Perasim.

2 Samuel 5:25

David asara ye gi na peko ti yanga ti KOTA GBIA. Nilaa azo ti Israel afâ aturugu ti Filistii, ti londo na gbata ti Geba ngbii asi na gbata ti Gezer.

1 Mbai 14:11

Tongaso, azo ti Filistii asi na Baal-Perasim; na ndo so laa David afâ ala. Na pekoni, lo tene: “Na lege ti maboko ti mbi, KOTA GBIA asuru lege na popo ti awato ti mbi, tongana ti so ngu ayeke suru lege na ndo so azo aye ti kanga lege na ni.” Ndani laa azo adi iri ti ndo ni so Baal-Perasim.

1 Mbai 14:16

David asara ye gi na peko ti yanga ti Nzapa. Nilaa azo ti Israel afâ aturugu ti Filistii, ti londo na gbata ti Gabaon ngbii asi na gbata ti Gezer.

Abia (Psaumes) 94:16

Zo wa laa ayeke gbu ande koko ti mbi ti kanga lege na azo ti sioni so, zo wa? Zo wa laa ayeke mu mbage ti mbi ti kanga lege na azo ti sarango sioni so, zo wa?

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 28:19

Na ngoi so kue ye ti ngangu ni ayeke si, fade ayeke wara ala. Biani, ye ni ayeke hon na ndaperere, na kota lâ nga na bi. Gi so azo ayeke ma tënë ni, kota mbeto ayeke hon ndö ti ala.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 29:23

Biani, tongana ala na amolenge ti ala ayeke baa ande ye so mbi yeke sara na popo ti ala, fade ala yeke hinga atene mbi, mbi yeke taa Nzapa, Nzapa ti Jacob so ayeke nde si ayeke nzoni kue; ala yeke do na mbeto na dawa ti mbi, Nzapa ti Israel.

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Abia ti demango tere 2:15

Azo so kue ayeke hon na lege, ala yeke pika maboko ti ala ti he ala, azo ti Jérusalem. Azo ni so ayeke huru yanga ti ala. Ala baa gbata ni si ala yeke yingi li ti ala, ala tene: “Jérusalem, pendere kodro so ando so laa? Kodro ti mungo ando ngia na be ti azo ti sese, ni laa aga fadeso tongaso so-oo?”

Abia ti demango tere 3:33

Ti zia zo na ya ti pasi wala ti zia vundu na be ti zo, so laa anzere na be ti lo pepe.

Ezekiel 33:21

Na lango oku ti nze baleoko ni, na ngu baleoko na use ni, na peko ti so a gbu e, a gue na e na kodro wande, mbeni zo so angba na fini na peko ti so a mu gbata ti Jérusalem, aga si atene na mbi: “Gbata ni ati awe!”

Habakuk 1:5

Kota Gbia atene: “Ala zi le ti ala, ala baa ye so ayeke si na popo ti amara nde; fade li ti ala ayeke ga kirikiri, li ti ala kue ayeke kpe! So ala de na fini so, ala yeke baa mbeni ye so ayeke si, ataa mbeni zo atene peko ni na ala, ala yeke yeda na ni pepe.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Josué 10:12

Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”