Ésaïe 28:17 - Mbeti ti Nzapa - Tënë so amu fini

¹⁷ Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 28:17 ပူးပေါင်းရင်းမြစ်များ

2 Agbia 21:13

Fade mbi yeke buba gbata ti Jérusalem tongana ti so mbi buba ando gbata ti Samarii kue si mbi fâ azo ti sewa ti Akab kue so. Mbi yeke sara titene Jérusalem aga tongana sembe so zo asu ya ni si akuku ni na sese.

Mbeti ti Job 22:16

A mu ala, ahon na ala kozoni si lango ti ala alingbi; ala yeke tongana gere ti da so kota ngu amu, ahon na ni.

Abia (Psaumes) 94:15

Fango ngbanga ayeke kiri ti ga mbirimbiri si azo ti vurungo be kue ayeke sara ye alingbi na ni.

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Ésaïe 28:2

Baa mbeni zo ti ngangu, zo so mbeto asara lo pepe ayeke ga; *KOTA GBIA laa atokua lo. Zo ni akpa kota pupu ti ngu-Nzapa so asara si *apembe ti bekpa atuku, lo kpa ngu-Nzapa so ayeke buba ndo, kota ngu-Nzapa so apika si amu ndo kue. Zo ni ayeke sara ye gi na ngangu ngangu si lo yeke kinda aye kue na sese.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 30:28

Pupu ti yanga ti lo ayeke tongana ngu so ayeke sua, asuku ngbii asi na go ti zo. Pupu ni ayeke ga ti yengere amara nde na mbeni yengere ti fango zo. Lo yeke zia na yanga ti azo ni mbeni kamba ti gue na ala kirikiri.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 23:19

Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 7:14

Ala zia be ti ala kue na ndö ti kota da so. A di iri ti mbi na ndö ni awe; mbi mu ni ando na akotara ti ala si mbi mu nga ni na ala. Me mbi yeke buba ni legeoko tongana ti so mbi buba Silo.

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Ezekiel 38:22

Mbi yeke fâ ngbanga na li ti mo na lege ti sioni kobela ti bubango kodro nga na lege ti tukungo mene. Mbi yeke tokua ngangu ngu-Nzapa, *pembe ti bekpa, wâ nga na *sufre na ndö ti mo, na ndö ti aturugu ti mo nga na ndö ti gba ti amara so ayeke na tere ti mo.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Matthieu 7:27

Ngu-Nzapa apika, ngu asuku amu ndo kue, pupu aya ngangu na ndö ti da ni si da ni akungbi ati gburrr!”

Rome 2:2

Biani, e hinga so, na lege ti taa-tënë, Nzapa ayeke fâ ngbanga na li ti zo so ayeke sara aye tongaso.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Rome 9:28

Biani, ngbanga so *Kota Gbia atene tënë ti fango ni na ndö ti azo ti sese so, fade lo yeke ninga ti sara ni pepe, lo yeke sara ni kue.”

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Aye so Nzapa afa 16:21

Akota *pembe ti bekpa so nengo ni aga nduru na kilo baleosio, alondo na nduzu si atuku na ndö ti azo. Azo ni azonga Nzapa ngbanga ti apembe ti bekpa ni, nga ngbanga ti so apembe ti bekpa ni asara ngangu na ala ahon ndoni.

Aye so Nzapa afa 19:2

Fango ngbanga ti lo ayeke na lege ti taa-tënë si ayeke mbirimbiri! Lo fâ ngbanga na li ti kota wali-ndumba so abuba ndö ti sese na sarango aye ti ndumba ti lo. Nzapa afâ ngbanga na li ti lo ndali ti so lo fâ azo ti kua ti Nzapa.”

Aye so Nzapa afa 8:7

Kozo ange ni ahuru tatalita ti lo. *Pembe ti bekpa na wâ so abongbi na mene atuku na ndö ti sese. Na ndö ti sese kue, mbeni mbage oko na popo ti ambage ota ti sese ni agbi. Ti akeke ti dunia kue, mbeni oko na popo ti akeke ota agbi; afini pere kue agbi.