Ésaïe 28:16 - Mbeti ti Nzapa - Tënë so amu fini

¹⁶ Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 28:16 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Abia (Psaumes) 87:1

Bia ti azo ti Kore. Bia. *KOTA GBIA asara gbata ti *Sion na ndö ti ahoto so ayeke nde si ayeke nzoni kue.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 54:11

“Mo Jérusalem, gbata ti mawa! Mo so ngangu pupu ayingi mo so, zo oko ti de be ti mo ayeke daa pepe! Ye so mbi *KOTA GBIA, mbi yeke sara ayeke so: mbi yeke kiri ti leke mo na têne so a sara anzoroko na tere ni; mbi yeke kiri ti sara gere ti gbagba ti mo na têne ti safir.

Daniel 2:45

Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Zakarii 3:9

Baa, mbi zia mbeni têne na dawa ti Yeshua. Na ndö ti têne ni, ale ni ayeke daa mbarambara. Mbi wani, mbi yeke kpaka mbeni nzoroko na ndö ti têne ni; so tënë ti yanga ti *KOTA GBIA so ayeke na ndö ti dunia kue laa. Gi na lango oko, mbi yeke zi asioni ti kodro so.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Rome 10:11

Mbeti ti Nzapa atene: “Zo so ama na be na lo, fade kamene ayeke sara lo pepe.”

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

1 Korente 3:11

Mbeni zo alingbi ti leke mbeni gere ti da nde pepe, gi gere ti da so a leke ni kozo awe, so ayeke Jésus Christ.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”