Ésaïe 27:9 - Mbeti ti Nzapa - Tënë so amu fini

⁹ Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 27:9 ပူးပေါင်းရင်းမြစ်များ

2 Agbia 10:26

Angbongboro têne so ala leke si aluti na nduzu na ya ti da ti nzapa Baal so, ala sigigi na ni si ala gbi ni.

2 Agbia 23:14

Yosias afâ ya ti angbongboro têne so a leke si aluti na nduzu, lo de na sese akeke so a leke ndali ti Ashera. Lo mu abio ti akuâ, lo zia na ndö ni.

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

2 Mbai 14:5

Kodro ni aduti kpoo si azo aga ti tiri bira na lo na ya ti angu ni so pepe, ngbanga ti so KOTA GBIA wani amu na lo siriri. Tongaso lo wara lege ti sara angangu gbagba na tere ti agbata ti Juda.

2 Mbai 34:4

Na dawa ti lo, a kungbi na sese agbalaka ti anzapa *Baal; a kungbi na sese aye ti zongo na yombo so ayeke na ndö ti agbalaka ni; a fâ ya ti akeke so a leke aluti na nduzu ndali ti nzapa-wali Ashera nga na ayanda so a leke na keke na ayanda so a kporo wen si a leke na ni. A nika aye ni aga fuku si a tuku ni na ndö ti adu ti kuâ ti azo so amu *sandaga na ayanda ni.

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.

Abia (Psaumes) 119:67

Kozo titene mbi baa pasi, mbi yeke gue ando kirikiri; me fadeso mbi yeke sara ye na lege ti tënë ti yanga ti mo.

Abia (Psaumes) 119:71

Pasi so asi na mbi, asara nzoni na mbi, tongaso si mbi manda ambela ti mo.

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Amato 20:30

Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Ésaïe 1:29

Biani, akeke so ala yeke voro ni si ala ye ni mingi so, fade kamene ayeke sara ala ndali ni. Apendere ndo so ala soro ti voro ayanda daa so, kamene ayeke gbu le ti ala ndali ni.

Ésaïe 17:8

Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 48:10

Mbi tara ala, me na ya ti wâ pepe tongana ti so a yeke tara wen ti nginza na ya ti wâ ti zi sioni daa. Me mbi tara ala na ya ti wâ ti aye ti vundu.

Ezekiel 11:18

Tongana ala, azo ti Israel, ala kiri awe, ala yeke zi afungo yanda kue na asioni ye so kue zo alingbi ti baa na le ti lo fani use pepe so.

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Ezekiel 6:4

A yeke kungbi na sese agbalaka ti ala, a yeke fâ ya ti gbalaka ti zongo na ayombo ti ala. Mbi yeke sara si azo akui kirikiri na gbe ti ayanda ti ala.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Mishe 5:11

Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Rome 11:27

Baa, *mbuki so mbi na ala e yeke sara ni laa, tongana mbi yeke zi asiokpari ti ala.”

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

Ndia ti fani use ni 12:3

Fade ala yeke kungbi agbalaka ti amara ni na sese, ala yeke fâ ya ti angbongboro têne so ala leke aluti na nduzu, ala yeke gbi na wâ akeke so ala leke aluti na nduzu ti voro ni, ala yeke kungbi alimo ti anzapa ti ala; ala yeke zi iri ti anzapa ni na ya ti ando ni so.

Ahebro 12:6

ngbanga ti so zo so Kota Gbia aye lo, lo yeke pika lo ti kiri na lo na nzoni lege. Azo so kue lo mu ala tongana amolenge ti lo, lo yeke pika ala na zaza.”