Ésaïe 27:7 - Mbeti ti Nzapa - Tënë so amu fini

⁷ Azo so lani apika azo ti *KOTA GBIA so, lo pika azo ti lo ni tongana ala? Azo so lani afâ azo ti KOTA GBIA so, lo fâ azo ti lo ni tongana ala?

Ésaïe 27:7 ပူးပေါင်းရင်းမြစ်များ

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 17:14

Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 17:3

Gbagba ti bira so ayeke na tere ti Efraim ayeke kiri ti ngba pepe, gbia ayeke kiri ti ngba na Damas pepe. Tanga ti azo ti Sirii so angba so, ala yeke kpa nga ye oko pepe tongana azo ti Israel. So tënë ti yanga ti *KOTA GBIA so ayeke na ndö ti dunia kue laa.

Ésaïe 30:31

Na mango go ti KOTA GBIA, fade azo ti Asirii ayeke do na mbeto na gbe ti nduru keke so KOTA GBIA ayeke pika na ala.

Ésaïe 31:8

Fade azo ti Asirii ayeke ti na yanga ti yongoro zeme so ayeke ti zo pepe; yongoro zeme so ayeke fâ ala ayeke ti zo pepe. Azo ti Asirii ayeke kpe na le ti yongoro zeme ni, a yeke gbu amaseka ti ala ti koli ti sara akua ti ngbaa.

Ésaïe 31:9

Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Jérémie 50:40

Legeoko tongana Sodome na Gomore nga na agbata ti tere ni so KOTA GBIA abuba ni, fade mbi yeke buba kodro ti Babilone, zo ayeke kiri ti duti daa pepe, zo oko ayeke sara kodro daa mbeni pepe.

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Nahum 3:19

Mbeni yoro ndali ti kpale ti mo ayeke daa pepe, aka ti mo ni ayeke mu ande pepe. Azo so kue ama tënë ti ye ti sioni so asi na mo, ala yeke pika maboko ti ala na ngia. Zo wa si mo sara sioni na lo na ndoni na ndoni pepe, zo wa?