Ésaïe 27:5 - Mbeti ti Nzapa - Tënë so amu fini

⁵ Me tongana mbeni zo amu mbi tongana gbagba ti batango lo, lo yeke sara si mbi na lo, e duti na siriri; biani, mbi na lo, e yeke duti na siriri!”

Ésaïe 27:5 ပူးပေါင်းရင်းမြစ်များ

Mbeti ti Job 22:21

Tongaso, leke songo ti mo na Nzapa; sara si siriri aduti na popo ti mo na lo si fade mo yeke duti nzoni.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 26:12

KOTA GBIA, mo yeke mu na e siriri, aye so kue e yeke sara, mo laa mo yeke sara ni ndali ti e.

Ésaïe 42:19

Zo wa laa ayeke waziba? Ayeke zo ti kua ti mbi pepe? Zo wa laa ayeke zo ti kangango mê? Ayeke watokua ti mbi so mbi tokua lo so pepe? Zo wa laa ayeke waziba tongana zo ti tenengo peko ti tënë ti yanga ti Nzapa? Zo wa laa ayeke zo ti kangango mê tongana zo ti kua ti *KOTA GBIA?

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 57:19

fade mbi yeke zia bia ti sepela na yanga ti ala.” KOTA GBIA atene: “Siriri na zo so ayeke na yongoro ndo, siriri na zo so ayeke nduru! Biani, mbi yeke kai kobela ti azo ti mbi.”

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Nzoni Tënë so Luc asu na mbeti 13:34

“Jérusalem! Jérusalem! Mo so mo yeke fâ awayanga-Nzapa si mo yeke bo na têne azo so Nzapa atokua ala na mo! Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Nzoni Tënë so Luc asu na mbeti 14:32

Tongana lo baa lo lingbi pepe, so mbeni gbia ni angba yongoro, lo yeke tokua ambeni zo ti lo ti hunda titene ala leke songo na popo ti ala.

Nzoni Tënë so Luc asu na mbeti 19:42

Lo tene: “Âa! Tongana mo nga, mo hinga fade ye so alingbi ti mu na mo siriri! Me mawa ni ayeke so ye ni angba na hondengo ni si le ti mo abaa ni pepe!

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Josué 10:6

Azo ti Gabaon atokua azo na Josué so ayeke na bâbâ ti Gilgal ti tene na lo, atene: “Mo zia pepe ti mu maboko na e, azo ti kua ti mo. Ga hio mo mu maboko na e, mo soo e na kuâ! Biani, agbia kue ti Amori so ayeke na sese ti ahoto ama tere ti tiri bira na e.”