Ésaïe 27:4 - Mbeti ti Nzapa - Tënë so amu fini

⁴ Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Ésaïe 27:4 ပူးပေါင်းရင်းမြစ်များ

2 Samuel 23:6

Me azo so kue ayeke sara mbirimbiri ye pepe, ala yeke tongana amaboko ti keke ti ki so a bi ni. Zo ti gbu ni na maboko senge ayeke daa pepe.

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.

Abia (Psaumes) 103:9

Lo yeke bi tënë na li ti zo lakue pepe, lo yeke bata tënë na be ti lo na tere ti zo biani biani pepe.

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 33:12

Wâ ayeke gbi amara nde si ala yeke ga gi mburu ti wâ. Wâ ayeke gbi ala tongana aki so a fâ ni si a tuku na le ti wâ.

Ésaïe 9:18

Ndali ti ngonzo ti KOTA GBIA so ayeke na ndö ti dunia kue, wâ agbi kodro ni kue; azo ni aga tongana ye so wâ agbi ni. Zo oko abaa mawa ti mba ti lo pepe.

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.