Ésaïe 27:3 - Mbeti ti Nzapa - Tënë so amu fini

³ “Mbi *KOTA GBIA laa mbi yeke bata yaka ni. Lakue, mbi yeke tuku ngu na ndö ni. Bi na lâ, mbi yeke bata yaka ni titene zo ali ti sara sioni na ni pepe.

Ésaïe 27:3 ပူးပေါင်းရင်းမြစ်များ

Tongo nda ti aye 6:17

Ti mbi, mbi yeke sara titene ngu asuku, amu ndö ti sese ti buba aye so kue ayeke na fini. Fade aye so kue ayeke na ndö ti sese ayeke kui.

Tongo nda ti aye 9:9

“Mbi yeke sara *mbuki ti mbi na ala, na *ahale ti ala so ayeke ga ande na peko ti ala,

1 Agbia 8:59

Ayeke nzoni KOTA GBIA Nzapa ti e adabe ti lo bi na lâ na sambela nga na vorongo tere ti mbi; na ya ti lango oko oko, lo gbu koko ti mbi, zo ti kua ti lo na ti azo ti Israel, azo ti lo.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:5

Me mbeni kota ngu ayeke daa so ayeke sua si ayeke zia ngia na be ti azo ti gbata ti Nzapa, gbata ni ayeke nde si ayeke nzoni kue; gbata ni ayeke ndo so Nzapa aduti daa, Nzapa so ayeke na yayu kâ na ndö ti aye kue.

Ésaïe 31:5

Tongana ti so ndeke ayeke zi ya ti *akpangi ti lo fade KOTA GBIA so ayeke na ndö ti dunia kue ayeke bata Jérusalem. Lo yeke bata lo si lo yeke zi lo, lo yeke kanga lege na kpale ti si na lo si lo yeke soo lo.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 46:4

Mbi yeke ngba gi tongaso ngbii asi na mbakoro ti ala; mbi yeke yo ala ngbii kua ti li ti ala avuru. Mbi laa mbi sara ala, mbi laa mbi yeke yo ala. Biani, mbi yeke ngba ti yo ala si mbi yeke soo ala.

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ezekiel 34:11

“Biani, tënë so mbi Kota Gbia NZAPA, mbi tene ayeke so: Mbi wani, mbi yeke ga ti gi ataba ti mbi si mbi yeke baa ndo nzoni na ndö ti ala.

Ezekiel 34:24

Mbi KOTA GBIA, mbi yeke duti Nzapa ti ala si David, zo ti kua ti mbi ayeke duti makonzi na popo ti ala. Mbi KOTA GBIA, mbi tene tënë awe.

Ezekiel 37:14

Mbi yeke zia yingo ti mbi na ya ti ala si ala kiri ti duti na fini. Mbi yeke zia ala na sese ti ala. Tongaso, fade ala yeke hinga atene, mbi laa mbi yeke KOTA GBIA; mbi tene tënë awe, mbi yeke sara ye ni. So tënë ti yanga ti mbi KOTA GBIA laa.”

Ezekiel 37:28

Na ndembe so mbi yeke zia da ti mbi na popo ti ala kpu na kpu, fade amara nde ayeke hinga atene, mbi laa mbi yeke KOTA GBIA, mbi laa mbi zia Israel nde ndali ti mbi.”

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.