Ésaïe 27:13 - Mbeti ti Nzapa - Tënë so amu fini

¹³ Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 27:13 ပူးပေါင်းရင်းမြစ်များ

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

1 Mbai 15:24

ala na Obed-Edom nga na Yehia. Ti awayango-sandaga Shebania, Yoshafat, Netaneel, Amasai, Zakarii, Benaya na Eliezer, ala yeke azo ti hurungo tatalita na dawa ti sanduku ti mbuki ti Nzapa.

Abia (Psaumes) 47:5

Lo soro na e kodro so aga ti e; e yeke gonda tere ti e ndali ni, e *ahale ti Jacob so Nzapa aye e mingi so. Luti kete

Abia (Psaumes) 81:3

Ala pika mozoko, ala pika kete ngo, kundi so ayeke sara mozoko pendere, ala pika ni, ala pika kota kundi.

Abia (Psaumes) 89:15

Gere ti mbata ti mo ti gbia aluti na ndö ti ye ti mbirimbiri na fango ngbanga ti mbirimbiri. Na ndo so kue mo yeke gue daa, nzoni be na taa-tënë laa amu dawa ti mo.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ésaïe 43:6

Fade mbi yeke tene na Banga: ‘Kiri na ala’, mbi yeke tene na Mbongo: ‘Gbanzi ala pepe.’ Amolenge ti mbi ti koli so ayeke na yongoro ndo, mo kiri na ala; amolenge ti mbi ti wali so ayeke na nda ti sese kâ, mo kiri na ala.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Jérémie 43:7

Ala ke ti ma yanga ti KOTA GBIA; ala gue na Ezipte, na pekoni ala si na Tapanes.

Jérémie 44:28

Gi ambeni kete laa ayeke wara lege ti kpe bira ni si ala londo na Ezipte ti kiri na Juda. Ndo so laa, azo ti Juda so angba na fini, ala so aga lani ti honde tere ti ala na Ezipte ayeke hinga atene, tënë ti mbi laa aga taa-tënë, wala ti ala.

Ezekiel 20:34

Na lege ti ngangu ti maboko ti mbi nga na lege ti maboko ti mbi so mbi yoro, na lege ti ngonzo ti mbi ti wâ so mbi tuku na ndö ti ala, mbi yeke sara si ala sigigi na popo ti amara ni; mbi yeke mu ala na ya ti akodro so ala kangbi lani daa ti bongbi ala na ndo oko.

Ezekiel 20:41

Na peko ti so mbi yeke sara si ala sigigi na popo ti amara si mbi yeke mu ala na ya ti akodro so ala kangbi lani daa ti bongbi ala na ndo oko, mbi yeke yamba ala na nzoni be tongana sandaga so fion ni afun nzoni. Na lege ti ala, fade mbi yeke fa na le ti amara nde so mbi yeke nde si mbi yeke nzoni kue.

Ezekiel 39:25

“Me tënë so mbi Kota Gbia NZAPA, mbi tene ayeke so: Fadeso, mbi yeke sara si gigi ti *ahale ti Jacob aga nzoni, mbi yeke baa mawa ti azo ti Israel kue, mbi yeke sara mbanda ti iri ti mbi so ayeke nde si ayeke nzoni kue so.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Osée 11:11

Ala yeke londo na Ezipte ti ga na dongo tere tongana akete ndeke; ala yeke londo na Asirii ti ga tongana ambipa. “Fade mbi yeke sara titene ala lango na ya ti kodro ti ala”; so tënë ti yanga ti KOTA GBIA laa.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:3

Fade azo ti Efraim ayeke ngba na ya ti kodro ti *KOTA GBIA pepe; ala yeke kiri na sese ti Ezipte si na sese ti Asirii, ala yeke te kobe so ayeke *sioni.

Awayango-sandaga 25:9

Na pekoni, na lango baleoko ti nze mbarambara ni, so ti tene na kota lango ti zingo siokpari na li ti azo, fade ala yeke huru adidi si ala yeke dekongo na ngia na ya ti kodro ni kue.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Zakarii 14:16

Ti londo na lango ni so, amara so atiri lani bira na azo ti Jérusalem si azo ni angba na fini so, na ya ti ngu oko oko, ala yeke gue na ya ti gbata ni ti voro KOTA GBIA so ayeke na ndö ti dunia kue si ala yeke sara matanga ti Akpangba.

Zakarii 8:7

Tënë so KOTA GBIA so ayeke na ndö ti dunia kue atene ayeke so: Azo ti mbi so a gbu ala si a gue na ala na akodro ti mbage ti To nga na ti mbage ti Do, fade mbi yeke zi ala.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”

Aye so Nzapa afa 8:2

Na pekoni, mbi baa *a-ange mbarambara so ayeke luti na le ti Nzapa; a mu tatalita mbarambara na ala.

Aye so Nzapa afa 8:6

*A-ange mbarambara so agbu atatalita mbarambara na maboko ti ala aleke tere ti ala ti huru atatalita ni.

Aye so Nzapa afa 9:14

Go ni atene na omene ange so ayeke gbu tatalita na maboko ti lo so, atene: “Zi a-ange osio so a kanga ala na tere ti kota *bale ti Efrate so.”