Ésaïe 27:11 - Mbeti ti Nzapa - Tënë so amu fini

¹¹ Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 27:11 ပူးပေါင်းရင်းမြစ်များ

Abia (Psaumes) 106:40

Ngonzo ti KOTA GBIA alondo tongana wâ na tere ti azo ti lo, azo so aga ye ti lo so, ala ga sioni mingi na le ti lo.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 18:5

Kozo titene a fâ ale ti kobe, tongana kongo ti vinye asigigi awe, tongana kongo ni aga le ti vinye si ato nda ti be, a yeke mu nzenze ti fâ na akete maboko ti keke so aduti senge senge na tere ti keke ni, a yeke zi *aguruma ni nga na akugbe ni.

Ésaïe 43:1

Me fadeso mo Jacob, lo so lo sara mo, mo Israel, lo so lo leke mo, tënë so KOTA GBIA atene ayeke so: “Mo sara mbeto pepe, mbi zi mo awe, mbi iri mo na iri ti mo, mo yeke ti mbi.

Ésaïe 43:7

Mo kiri na azo so kue iri ti mbi ayeke na ndö ti ala, ala so mbi sara ala, so mbi leke ala si mbi sara ala titene ala gonda mbi.”

Ésaïe 44:2

*KOTA GBIA so asara mo, lo so lo leke mo gi so mo de na ya ti mama ti mo, lo so lo yeke mu maboko na mo, tënë so lo tene ayeke so: Jacob, zo ti kua ti mbi, sara mbeto pepe, mo Yeshurun so mbi soro mo.

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Jérémie 11:16

Mbi zia lani iri na ndö ti mara ni: ‘Keke ti olive so afini kugbe ni ayeke gbani gbani si alengo ni ayeke pendere ahon ndoni.’ Me na ya ti kota wuluwulu tongana toto ti bekpa, mbi sara si wâ ati na ya ti akugbe ti lo, amaboko ni akungbi kue.”

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Jérémie 16:5

Biani, tënë so KOTA GBIA atene ayeke so: “Da so azo abongbi daa ti toto kuâ, mo li na ya ni pepe. Mo gue ti toto kuâ pepe, mo kangbi vundu ti azo ni pepe, ngbanga ti so siriri so mbi mu na ala, mbi zi ni awe; nzoni be so mbi sara na ala nga na bango mawa ti ala, mbi zi ni awe; so tënë ti yanga ti KOTA GBIA laa.

Jérémie 25:37

Ndali ti ngonzo ti wâ ti KOTA GBIA, gbagba ti ataba so ya ni ayeke fade na siriri, fadeso ya ni ade ngii,

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”

Ezekiel 19:12

Me na lege ti ngonzo, a gboto keke ti vinye ni, abi na sese. Pupu ti To asara si ale ni ahole, atuku na sese. Akpengbango maboko ni ahole si wâ agbi ni kue.

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”

Osée 4:14

Me fade mbi yeke kiri peko ti sioni na amolenge ti ala ti wali pepe ndali ti sarango ye ti ndumba ti ala, wala mbi yeke kiri peko ti sioni na awali ti amolenge ti ala pepe ndali ti akoli ti amba ti ala so ala yeke gi so. Me mbi yeke kiri peko ti sioni na ala, awayango-sandaga, ngbanga ti so ala wani, ala yeke mu awali-ndumba so, ala yeke hon na ala na mbeni ndo si ala na awali-ndumba ni ayeke te kobe so a mu na sandaga na anzapa. Mbeni mato atene: ‘Mara so ahinga ndo pepe ayeke mara so ati awe.’

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Matthieu 3:10

Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.