Ésaïe 27:1 - Mbeti ti Nzapa - Tënë so amu fini

¹ Na lango ni so, *KOTA GBIA ayeke mu kota yongoro zeme so yanga ni aza mingi si akpengba ti ga na tere ti Leviatan, ngbo so ayeke kpe kpengo; Leviatan, ngbo so ayeke na mayere mingi. Lo yeke fâ sioni nyama so ayeke na ya ti kota ngu-ingo so.

Ésaïe 27:1 ပူးပေါင်းရင်းမြစ်များ

Mbeti ti Job 26:13

Pupu ti yanga ti lo abalee ayayu, maboko ti lo akpo kota ngbo so akpe ti hon.

Mbeti ti Job 3:8

Ayeke nzoni azo so ayeke deba alango, adeba bi ni sioni sioni; azo so ahinga ti zingo Leviatan adeba bi ni so!

Mbeti ti Job 40:19

Nyama ni ayeke na popo ti akota ye so mbi sara. Me gi mbi oko so mbi sara lo laa, mbi yeke na ngangu ti hon ndö ti lo.

Mbeti ti Job 41:1

Tongana mbeni zo abaa ti lo, atene, ni lingbi ti hon ndö ti Leviatan, andaa lo handa tere ti lo wani. Gi na bango lo, zo ayeke ti na sese.

Abia (Psaumes) 104:26

Amangboko ayeke gue, ayeke ga na ndö ti kota ngu-ingo ni; Leviatan ayeke daa, lo so mo sara lo ti sara ngia na lo.

Abia (Psaumes) 45:3

Mo yeke pendere mo hon akoli kue, mo yeke tene tënë pendere mingi. Ndani laa Nzapa asara tufa na ndö ti mo kpu na kpu.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Ésaïe 65:25

Fade mbo ti ngonda na molenge ti taba ayeke te kobe na ndo oko; bamara ayeke te pere tongana bagara. Ngbo ayeke te fuku ti sese. Na ndö ti hoto ti mbi so ayeke nde si ayeke nzoni kue, sarango sioni ayeke kiri ti duti daa pepe, bubango ye ayeke kiri ti duti daa pepe. Tënë so KOTA GBIA atene laa.”

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Jérémie 47:6

Ala tene: ‘So mawa! Yongoro zeme ti KOTA GBIA, mo yeke wu ka tere ti mo pepe? Kiri na ya ti bozo ti mo, mo duti kpoo! Awe!’

Jérémie 51:13

Babilone, mo so mo yeke lango na tere ti kota *bale so, mo so gba ti amosoro asi singo na mo so, ti mo ahunzi awe. Mo nzi amba ti mo alingbi awe.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Aye so Nzapa afa 12:3

Mbeni ye ti kpene nde akiri asigigi na le ti nduzu: mbeni sioni nyama so akpa ngunde, tere ti lo abe tongana wâ, li ti lo ayeke mbarambara, lo yeke na adidi baleoko si lo yu akpoto ti gbia na ali ti lo oko oko kue.

Aye so Nzapa afa 13:11

Na pekoni, mbi baa mbeni nyama nde; lo londo na ya ti sese si lo sigigi. Lo yeke na adidi use so akpa ti molenge ti taba si lo yeke tene tënë tongana sioni nyama so akpa ngunde so.

Aye so Nzapa afa 13:4

Azo kue avoro sioni nyama so akpa ngunde so, ngbanga ti so lo mu ngangu ti lo na nyama ni. Ala voro nga nyama ni, atene: “Zo wa laa alingbi na nyama so, zo wa? Zo wa laa alingbi ti tiri na lo, zo wa?”

Aye so Nzapa afa 16:13

Na pekoni, mbi baa asioni yingo ota so akpa adale; ala londo na yanga ti sioni nyama so akpa ngunde, na yanga ti nyama so alondo na ya ti kota ngu-ingo nga na yanga ti wayanga-nzapa ti mvene si ayeke sigigi.

Aye so Nzapa afa 17:1

Tongaso, mbeni *ange oko na popo ti a-ange mbarambara so ayeke na akopo mbarambara so, aga na tere ti mbi si lo tene na mbi: “Ga, mbi yeke fa na mo lege so a yeke fâ ande ngbanga na li ti kota wali-ndumba, lo so lo yeke kota gbata so a leke ni na tere ti akota ngu so.

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.

Aye so Nzapa afa 19:21

A fâ aturugu ti ala kue na yongoro zeme so ayeke sigigi na yanga ti lo so ayeke na ndö ti mbarata ni; andeke kue ate kasa ti tere ti azo ni, ya ti ala asi.

Aye so Nzapa afa 2:16

Tongaso, mo zia ngbene lege ti sarango ye ti mo. Tongaso pepe, fade mbi yeke ga fafadeso ti tiri na azo so na yongoro zeme so ayeke sigigi na yanga ti mbi.

Aye so Nzapa afa 20:2

Lo gbu sioni nyama so akpa ngunde, so ti tene ngbene ngbo so ayeke Zabolo wala Satan, lo kanga lo na zingiri ni ndali ti ngu saki oko.