Ésaïe 26:8 - Mbeti ti Nzapa - Tënë so amu fini

⁸ Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 26:8 ပူးပေါင်းရင်းမြစ်များ

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

Abia (Psaumes) 106:3

Ti ala nzoni, azo so ayeke sara ye na lege ti ndia si ala yeke sara ye ti mbirimbiri na ngoi kue!

Abia (Psaumes) 130:5

Mbi yeke ku KOTA GBIA, mbi yeke ku lo na be ti mbi kue, mbi zia be ti mbi ti ku tënë ti lo.

Abia (Psaumes) 18:23

Andia ti lo kue angba na dawa ti mbi, mbi pusu atënë ti ndia ti lo yamba na tere ti mbi pepe.

Abia (Psaumes) 42:2

Tongana ti so tagba ayeke gi ngu so ayeke sua titene lo nyon, mbi nga, mbi yeke gi Nzapa ti mbi legeoko tongaso.

Abia (Psaumes) 65:6

Nzapa, Wasongo e, mo so mo yeke bata tënë ti yanga ti mo, mo yeke kiri tënë na e na lege ti aye ti dongo be so mo sara. Azo ti dunia kue, ngbii asi na ala so ayeke yongoro kâ na yanga ti akota ngu-ingo, ala zia be ti ala na ndö ti mo.

Abia (Psaumes) 73:25

Zo wa laa ayeke mu maboko na mbi na yayu, zo wa? Gi mo oko! Na ndö ti sese so, mbeni ye nde anzere na mbi pepe, gi mo oko.

Abia (Psaumes) 84:2

*KOTA GBIA, mo so mo yeke na ndö ti dunia kue, mbi ye tënë ti da ti mo mingi!

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

B. ti abia 5:8

Ala amaseka-wali ti Jérusalem, mbi voro ala mingi, tongana ala wara tere na kamba ti be ti mbi, tënë ti nyen laa ala yeke tene ande na lo? Ala tene: yengo so mbi ye lo so asara mbi kobela.

Ésaïe 12:4

Na lango ni so, ala yeke tene: “Ala mu singila na KOTA GBIA, ala mu iri lo ti lo na nduzu! Ala tene na azo kue tënë ti akota ye so lo sara, ala dabe ti azo kue na iri ti lo so ayeke kota.

Ésaïe 24:15

“Ala so ayeke na mbage ti To, ala gonda KOTA GBIA. Ala so ayeke na ya ti azoa ti kota ngu-ingo, ala he bia ti gonda na iri ti KOTA GBIA, Nzapa ti Israel.”

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 51:4

KOTA GBIA atene: “Ala azo ti mbi, ala ma mbi nzoni! Ala azo ti mara ti mbi, ala zi mê ti ala, ala ma mbi! Mbi laa mbi yeke mu ndia na azo, fango ngbanga so mbi yeke sigigi na ni ayeke ga lumiere ndali ti azo.

Ésaïe 56:1

Tënë so *KOTA GBIA atene ayeke so: “Ala bata ndia, ala sara ye so ayeke mbirimbiri, ngbanga ti so mbi ga nduru ti soo ala awe, ala ga nduru ti baa mbirimbiri ti mbi awe.

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Wungo ti azo 36:13

So ayeke atënë ti ndia na andia so KOTA GBIA amu na azo ti Israel na lege ti Moïse laa. Lo mu ni na ndembe so ala yeke na lando ti Moab, na tere ti ngu ti Jourdain so abaa le na gbata ti Jéricho.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Awatokua 1:4

Mbeni lâ, so lo na ala ayeke te kobe, lo mu yanga na ala, lo tene: “Ala ngba na Jérusalem, ala ku ye so Babâ amu zendo ni si mbi nga, mbi tene tënë ni lani na ala so.

Rome 8:25

Me tongana e zia be ti e ti ku ye so le ti e ade ti baa pepe, fade e yeke kanga be ti e ti ku ni.

2 Tesalonike 3:5

Ayeke nzoni Kota Gbia azia na be ti ala ti ye Nzapa, lo fa na ala lege ti kanga be ti ala legeoko tongana ti Christ!