Ésaïe 26:4 - Mbeti ti Nzapa - Tënë so amu fini

⁴ Ala zia be ti ala na ndö ti KOTA GBIA lakue lakue, ngbanga ti so KOTA GBIA ayeke tongana kota têne so aluti kpu na kpu.

Ésaïe 26:4 ပူးပေါင်းရင်းမြစ်များ

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Mbeti ti Job 9:19

Alingbi mbi sara ngangu na lo si? Ngangu ti lo ahon ti mbi mingi. Fade mbi gue na ngbanga? Zo wa laa ayeke iri mbi na le ti ngbanga ni ti gbu koko ti mbi, zo wa?

Abia (Psaumes) 125:1

A yeke he bia so na ndembe ti guengo ni na Jérusalem. Azo so azia be ti ala na ndö ti *KOTA GBIA, ala yeke tongana hoto ti *Sion so ayeke yingi laoko pepe si angba kpu na kpu.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Abia (Psaumes) 62:11

Ala zia be ti ala na ndö ti sarango ngangu na azo pepe, ala zia be ti ala na ndö ti aye so ala gbu na ngangu pepe. Tongana ala wara mosoro mingi, ala zia be ti ala na ndö ni pepe.

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Abia (Psaumes) 66:7

Na lege ti ngangu ti lo, lo yeke sara komandema kpu na kpu, le ti lo ayeke baa ndo na ndö ti amara nde. Ayeke nzoni azo ti ngangu li apika kate ti ala pepe! Luti kete.

Abia (Psaumes) 93:1

*KOTA GBIA ayeke gbia, lo yu gonda tongana bongo, lo kanga ngangu na tere ti lo tongana kamba ti ndö ti bongo. Biani, sese aluti ngangu, ye ayeke yingi ni pepe.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.