Ésaïe 26:20 - Mbeti ti Nzapa - Tënë so amu fini

²⁰ Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Ésaïe 26:20 ပူးပေါင်းရင်းမြစ်များ

Tongo nda ti aye 7:1

KOTA GBIA atene na Noe: “Mo na azo ti da ti mo kue, ala li na ya ti mangboko ni, ngbanga ti so, mbi baa so gi mo oko laa mo yeke zo ti mbirimbiri na popo ti azo ti ngoi ti mo.

Tongo nda ti aye 7:16

Ala so kue ali na ya ti mangboko ni, ayeke koli oko na wali oko ti aye so kue ayeke na fini, tongana ti so Nzapa amu yanga na Noe so. KOTA GBIA akanga yanga ti mangboko ni na ndö ti Noe.

Mbeti ti Job 14:13

Mbi ye fade titene mo honde mbi na ndo ti akuâ, mo honde mbi kâ ngbii ngonzo ti mo ahunzi si. Tongaso, ka mo fa na mbi mbeni ngoi titene mo dabe ti mo na mbi!

Abia (Psaumes) 143:9

KOTA GBIA, zi mbi na maboko ti awato ti mbi; mbi kpe na mo ti honde tere ti mbi.

Abia (Psaumes) 17:8

Bata mbi tongana mboma ti le ti mo, honde mbi na gbe ti maboko ti mo tongana ti so ndeke ayeke bata amolenge ti lo na gbe ti *kpangi ti lo.

Abia (Psaumes) 27:5

Na ngoi so ye ti ngangu asi na mbi, KOTA GBIA ayeke bata mbi na ya ti da ti lo; lo yeke honde mbi nzoni na ya ti da ti lo; lo yeke zia mbi na nduzu na ndö ti kota têne, na ndo so ye ti sioni alingbi ti si na mbi pepe.

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Abia (Psaumes) 31:20

KOTA GBIA, anzoni ye ti mo ayeke mingi! Mo bata aye ni so na azo so akpe mbeto ti mo. Azo so kue akpe na mo ti bata tere ti ala, mo yeke mu aye ni na ala na le ti azo kue.

Abia (Psaumes) 32:7

Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

Abia (Psaumes) 57:1

Bia so ayeke ndali ti makonzi-bia. A he ni na go ti bia so iri ni: “Mo buba ye pepe.” Sambela ti ya ti be ti David. Lo he ni na ndembe so Saul atumba peko ti lo si lo kpe, lo honde tere ti lo na ya ti du ti têne.

Abia (Psaumes) 57:2

Nzapa, baa mawa ti mbi, baa mawa ti mbi! Biani, mbi kpe ti honde tere ti mbi na mbage ti mo; mbi yeke honde tere ti mbi na gbe ti *kpangi ti mo ngbii aye ti ngangu ahon si.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Abia (Psaumes) 94:13

Na lango ti ye ti vundu, lo lingbi ti duti na siriri, ngbii asi na lango so a yeke zi du ndali ti azo ti sioni.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 51:16

Mbi gbara yayu, mbi zia gere ti sese si mbi tene na azo ti *Sion: ‘Ala laa ayeke azo ti mbi; mbi zia tënë ti mbi na yanga ti ala, mbi bata ala na gbe ti de ti maboko ti mbi.’ ”

Ésaïe 51:4

KOTA GBIA atene: “Ala azo ti mbi, ala ma mbi nzoni! Ala azo ti mara ti mbi, ala zi mê ti ala, ala ma mbi! Mbi laa mbi yeke mu ndia na azo, fango ngbanga so mbi yeke sigigi na ni ayeke ga lumiere ndali ti azo.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Jérémie 31:14

Mbi yeke mu na awayango-sandaga gba ti kasa ti mafuta, mbi yeke sara si aye ti nzoni asi singo na azo ti mbi; so tënë ti yanga ti KOTA GBIA laa.

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Sofonii 2:3

Ala asenge zo kue ti sese so, ala gi KOTA GBIA; ala so ayeke sara ye na lege ti ndia ti lo, ala gi lege ti sara ye ti mbirimbiri, ala gi lege ti sara tere ti ala kete na dawa ti Nzapa. E hinga pepe, fade ala yeke soo fini ti ala na lango so KOTA GBIA ayeke sara ngonzo.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.