Ésaïe 26:1 - Mbeti ti Nzapa - Tënë so amu fini

¹ Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 26:1 ပူးပေါင်းရင်းမြစ်များ

Esdras 3:11

Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

Abia (Psaumes) 31:21

Mo yeke honde ala na ndo so mo yeke daa; mo yeke bata ala si azo ti sarango mbana asara mbana na ala pepe. Mo yeke bata ala si azo ti sioni yanga atene sioni tënë na tere ti ala pepe.

Abia (Psaumes) 48:12

Na ndö ti hoto ti Sion, azo ayeke na ngia, na ya ti agbata ti Juda, azo ayeke dodo na ngia ndali ti fango ngbanga ti mo.

Abia (Psaumes) 48:4

Na ya ti yangbo ti gbata ti Sion, azo ahinga atene, Nzapa ayeke tongana ngangu gbagba na tere ti azo ti lo.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 31:5

Tongana ti so ndeke ayeke zi ya ti *akpangi ti lo fade KOTA GBIA so ayeke na ndö ti dunia kue ayeke bata Jérusalem. Lo yeke bata lo si lo yeke zi lo, lo yeke kanga lege na kpale ti si na lo si lo yeke soo lo.

Ésaïe 31:9

Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 5:1

Mbi ye ti he bia ndali ti mba ti mbi; bia ni atene tënë ti mba ti mbi so mbi ye lo mingi nga na yaka ti *vinye ti lo. Mba ti mbi so mbi ye lo mingi so, yaka ti vinye ti lo ayeke daa. Yaka ni ayeke na ndö ti mbeni hoto; sese ni awoko pendere.

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 62:10

Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Ezekiel 40:5

Mbi baa mbeni gbagba angoro kota da ti Nzapa kue. Koli ni agbu keke ti hakango na ye so ayo kudee omene. Kudee oko oko ayo ahon asenge kudee na konongo ti le ti maboko oko. Lo mu ni si lo haka na gbagba ni. Gbagba ni *amï si ayo na nduzu alingbi tere na keke oko ti hakango na ye.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Zakarii 2:9

So tënë ti yanga ti *KOTA GBIA laa: ‘Ti mbi, fade mbi yeke duti daa; mbi yeke duti tongana ngangu gbagba ti wâ na tere ti gbata ni kue. Taa gi na ya ti gbata ni, mbi laa mbi yeke sara gonda ni.’ ”

Wungo ti azo 21:17

Ndani laa, azo ti Israel ato nda ti he bia so atene: “Ayeke nzoni ngu asigigi na ya ti du ti ngu! E pika sako na li ti lo!

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.