Ésaïe 25:9 - Mbeti ti Nzapa - Tënë so amu fini

⁹ Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 25:9 ပူးပေါင်းရင်းမြစ်များ

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

Abia (Psaumes) 100:1

Bia ti mungo singila. Ala azo ti sese kue, ala dekongo na ngia na *KOTA GBIA!

Abia (Psaumes) 20:5

Ayeke nzoni lo mu na mo ye so be ti mo aye; lo sara si aye so kue mo leke na be ti mo ti sara aga nzoni.

Abia (Psaumes) 21:1

Bia ti David; bia so ayeke ndali ti makonzi-bia.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 33:20

Ti e, e yeke ku KOTA GBIA; lo laa lo yeke mu maboko na e, lo laa lo yeke *vala ti e.

Abia (Psaumes) 33:21

Ngia ti be ti e alondo na lo; e zia be ti e kue na ndö ti lo, lo so lo yeke nde si lo yeke nzoni kue.

Abia (Psaumes) 40:17

Me azo so kue ayeke gi mo, ayeke nzoni ala dodo na ngia ndali ti mo. Azo so aye mo, Wasongo azo na kuâ, ayeke nzoni ala ngba lakue ti tene: “KOTA GBIA ayeke kota!”

Abia (Psaumes) 9:14

KOTA GBIA, baa mawa ti mbi! Baa pasi so azo ti kengo mbi asara na mbi, mo so mo yeke zi mbi na yanga ti kuâ.

Abia (Psaumes) 95:1

Ala ga, e dekongo na ngia na *KOTA GBIA, e pika maboko na li ti lo so lo yeke Kota Têne so e kpe daa ti soo kuâ.

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ésaïe 65:18

Me ala duti na ngia, ala dodo na ngia lakue ndali ti ye so mbi yeke sara. Mbi yeke sara Jérusalem titene ngia asi singo na be ti lo si ngia asi singo na be ti azo ti gbata ni.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Nzoni Tënë so Luc asu na mbeti 2:25

Mbeni koli ayeke na Jérusalem, iri ti lo ayeke Siméon; lo yeke zo ti mbirimbiri, lo mu be ti lo kue na Nzapa, lo yeke ku zo so ayeke ga ande ti soo azo ti Israel. Yingo-Vuru ayeke na Siméon.

Filipe 3:1

Tongaso, a-ita ti mbi, na lege ti gango so ala ga oko na *Kota Gbia, ayeke nzoni ala duti na ngia. Titene mbi kiri mbi su na ala atënë so mbi tene kozoni awe so, mbi yeke sara ni senge; so si asara titene ala kpengba.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

1 Pierre 1:6

Ndani laa ala yeke duti na ngia, ataa so alingbi ala ngba ti baa amara ti pasi nde nde na ya ti kete ngoi so.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

2 Pierre 3:12

Ala so ayeke ku lango ti gango ti Nzapa si ala ye titene aga hio so, lango ni ayeke lango so wâ ayeke gbi nduzu si ayeke buba ni kue. Ndali ti ngangu ti wâ ni, aye so kue ayeke na le ti nduzu ayeke ga ngu.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!