Ésaïe 25:4 - Mbeti ti Nzapa - Tënë so amu fini

⁴ Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 25:4 ပူးပေါင်းရင်းမြစ်များ

Abia (Psaumes) 107:41

Me azo so ye atia ala, lo yeke zi ala na ya ti pasi, lo yeke sara si asewa ti ala awu mingi tongana anyama ti ala.

Abia (Psaumes) 119:31

Mbi mu be ti mbi kue ti sara aye so mo hunda na mbi; KOTA GBIA, sara si kamene agbu mbi pepe.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 121:5

KOTA GBIA laa ayeke bata mo; lo yeke lakue nduru na tere ti mo, lo yeke tongana gbe ti de so ayeke bata mo.

Abia (Psaumes) 35:10

Na be ti mbi kue, fade mbi yeke tene: “KOTA GBIA, zo wa laa alingbi na mo, zo wa? Mo yeke zi zo ti mawa na maboko ti zo so ayeke na ngangu ahon lo; mo yeke zi zo ti mawa nga na wayere na maboko ti azo so ayeke nzi ala.”

Abia (Psaumes) 55:8

Ka mbi kpe yongoro, mbi gue, mbi duti na benyama. Luti kete

Abia (Psaumes) 72:13

Zo so ayeke na ngangu pepe nga na zo so ye atia lo, fade gbia ni ayeke baa mawa ti ala si lo yeke soo fini ti ala.

Abia (Psaumes) 72:4

Ayeke nzoni gbia ni afâ ngbanga ti azo ti mawa na legeni! Ayeke nzoni lo soo azo so ye atia ala si lo nika zo so ayeke sara ngangu na ala!

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 16:3

Azo ti Moab ahunda na Jérusalem, atene: “Mo mu na e wango, mo mu yanga biani. Taa na kota lâ, mo gbara gbe-de ti mo na ndö ti e ti bata e tongana bi so ayeke gbara gbe-de ti lo. Azo ti e so akpe so, mo honde ala, mo ka ala pepe.

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 27:5

Me tongana mbeni zo amu mbi tongana gbagba ti batango lo, lo yeke sara si mbi na lo, e duti na siriri; biani, mbi na lo, e yeke duti na siriri!”

Ésaïe 28:6

Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

Ésaïe 29:19

Azo so ayeke sara tere ti ala kete ayeke wara ngia so ayeke gue guengo na nduzu ndali ti *KOTA GBIA; azo so yere ti ala ahon ndoni ayeke dodo na ngia ndali ti Nzapa ti Israel so ayeke nde si ayeke nzoni kue.

Ésaïe 29:20

Biani, azo so ayeke sara ngangu na azo, ti ala ayeke hunzi; azo so ayeke he azo, a yeke mingo ala; azo so ayeke gi lege ti sara sioni na azo, a yeke hunzi ala biani biani:

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 33:16

Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 57:13

Tongana mo dekongo, ayeke nzoni gba ti ayanda ti mo ni asoo mo ma! Fade pupu ayeke mu ala kue ti hon na ala, pupu ti yanga ayeke hon na ala! Me azo so ayeke kpe na mbi ti bata tere ti ala, fade a yeke mu kodro ni ti ga ti ala, hoto ti mbi so ayeke nde si ayeke nzoni kue ayeke ga ye ti ala.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Sofonii 3:12

Fade mbi yeke zia asenge zo na azo ti mawa angba na popo ti ala. Ala yeke kpe na mbi *KOTA GBIA titene mbi bata ala.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!