Ésaïe 25:12 - Mbeti ti Nzapa - Tënë so amu fini

¹² Ngangu gbagba so ayo na nduzu, kota gbagba ti bira ti mo so, KOTA GBIA ayeke kungbi ni na sese, lo yeke fâ ni kue si lo yeke bi ni na ya ti fuku ti sese.

Ésaïe 25:12 ပူးပေါင်းရင်းမြစ်များ

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 15:1

Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 2:15

Lo yeke fâ ngbanga na li ti akota da so kue ayo na nduzu nga na li ti akota gbagba ti bira kue.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 26:5

Azo so lani alango na ndo so ayeke na nduzu, lo kinda ala na sese; gbata so zo alingbi ti li daa pepe, lo kungbi ni na sese, lo sara si alango na ya ti fuku ti sese.

Jérémie 48:1

Tënë na ndö ti Moab. Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “So mawa na azo ti Nebo: azo abuba gbata ni awe! So ye ti kamene na gbata ti Kiriataim: a mu gbata ni na bira awe! So ye ti kamene na gbata so ngangu gbagba ayeke na tere ni: a kungbi gbagba ni na sese awe!

Jérémie 51:58

Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Jérémie 51:64

Na pekoni, fade mo yeke tene: ‘Babilone ayeke linda ngu biani biani legeoko tongaso; lo yeke kiri ti sigigi pepe, ngbanga ti aye ti ngangu so KOTA GBIA asara si aga na ndö ti lo.’ ” “Amara awoko kue na kua.” Atënë ti Jérémie ahunzi na ndo so.

Abia ti demango tere 2:2

KOTA GBIA akungbi akete kodro ti sese ti Israel kue; lo baa mawa ti akodro ni oko pepe. Ngonzo ti lo ti wâ alondo; nilaa lo kungbi agbata ti Juda na sese; agbata so a sara angangu gbagba na tere ni so. KOTA GBIA abi kodro-gbia ni na sese, lo buba iri ti kodro ni na akota zo ni kue.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ahebro 11:30

Na lege ti mabe, azo ti Israel atambula, angoro gbata ti Jéricho na ya ti lango mbarambara si na pekoni, gbagba ti gbata ni atuku na sese.

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!