Ésaïe 25:11 - Mbeti ti Nzapa - Tënë so amu fini

¹¹ Kâ, Moab ayeke yoro maboko ti lo tongana ti zo ti tingo ngu. Ataa lo sara ngangu tongana nyen, KOTA GBIA ayeke sara si baba ti lo akiri na gbeni.

Ésaïe 25:11 ပူးပေါင်းရင်းမြစ်များ

Mbeti ti Job 40:11

Tuku sioni ngonzo ti mo na ndö ti azo; baa azo ti baba kue, mo zia ala na kete ndo!

Abia (Psaumes) 2:5

Na pekoni, lo tene tënë na ala na ngonzo, ngonzo ti lo ti wâ azia kota mbeto na be ti ala

Ésaïe 10:33

Baa, Kota Gbia NZAPA, lo so lo yeke na ndö ti dunia kue, lo fâ amaboko ti keke na ngangu; lo de na sese akeke so ayo na nduzu, lo kinda na sese akeke so ayo mingi na nduzu.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:26

Baa yanga so KOTA GBIA amu ndali ti sese kue laa! Baa ngangu so lo ye ti sara na amara kue laa.

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Ésaïe 2:10

Ala gue, ahonde tere ti ala na popo ti atêne! Ala li na gbe ti sese ti kpe ngonzo ti KOTA GBIA, ti kpe gonda ti lo so ayeke kota ahon ndoni!

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:15

Lo yeke fâ ngbanga na li ti akota da so kue ayo na nduzu nga na li ti akota gbagba ti bira kue.

Ésaïe 25:5

tongana sungo ti lâ na ndö ti kuru sese. Mo yeke kai wusuwusu ti awande. Mo yeke kai ngia ti azo ti sarango ngangu na zo tongana ti so mbinda ayeke kanga le ti lâ.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Ésaïe 65:2

Lakue, mbi yoro maboko ti mbi na mara so asara ngangu li, na azo so amu sioni lege, na ala so ayeke sara gi ye ti be ti ala.

Jérémie 48:29

E ma tënë ti pikango kate ti Moab awe, pikango kate ti lo so ahon ndoni; e ma tënë ti baba ti lo, tënë ti pikango kate ti lo, tënë ti kuru baba ti lo, tënë ti sioni yanga ti lo; lo baa tere ti lo kota lo hon azo kue.

Jérémie 48:42

A buba ye kue na Moab awe, lo kiri lo ngba mara pepe. Lo baa fade tere ti lo kota ahon KOTA GBIA.

Jérémie 48:47

Me mbeni lâ, fade mbi yeke sara titene Moab akiri na kozo ndo ti lo; so tënë ti yanga ti KOTA GBIA laa.” Ngbanga so KOTA GBIA afâ na li ti Moab, tënë ni ahunzi na ndo so.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”