Ésaïe 25:10 - Mbeti ti Nzapa - Tënë so amu fini

¹⁰ Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 25:10 ပူးပေါင်းရင်းမြစ်များ

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

Ésaïe 10:31

Azo ti Madmena akpe kirikiri, azo ti Gebim agi ndo ti honde tere daa.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 14:19

Me ti mo, a bi mo na gigi yongoro na du ti kuâ ti mo tongana molenge so a du lo na kuâ ni si azo abaa lo tongana fungo ye. Mo yeke tongana kuâ so azo ado na gbe ti gere ti ala; mo yeke na popo ti azo so a fâ ala, azo so a kpo ala na yongoro zeme si a bi ala na ndö ti têne so ayeke na ngbonda ti du kâ.

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ésaïe 26:6

Awayere na asenge zo ayeke do gbata ni na gbe ti gere ti ala.”

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 48:1

Tënë na ndö ti Moab. Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “So mawa na azo ti Nebo: azo abuba gbata ni awe! So ye ti kamene na gbata ti Kiriataim: a mu gbata ni na bira awe! So ye ti kamene na gbata so ngangu gbagba ayeke na tere ni: a kungbi gbagba ni na sese awe!

Jérémie 48:2

Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Ezekiel 25:8

“Tënë so mbi Kota Gbia NZAPA, mbi tene ayeke so: Azo ti Moab na ti Seir atene: ‘Ye so asi na azo ti Juda ayeke tongana ti tanga ti amara kue.’

Ezekiel 48:35

Ti ngoro gbagba ni kue, yongo ni ayeke kudee 18 000. “Ti londo na lango ni so, fade iri ti gbata ni ayeke ‘KOTA GBIA ayeke na ndo so.’”

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.